ایران بوگون ایرتنگ چاغی، دمشق ده بو مملکت ایلچی‌خانه‌سی گه اسرائیل آرقه‌لی هجوم اویوشتیریلگنی گه جواب قیتیریش اوچون یوزلب پهپاد و راکته نی اسرائیل توپراغی گه آتگن.
اسرائیل اردوسی نینگ ادعا قیلیشیچه، بو مملکت گه ایران آرقه‌لی ۲۰۰دن آرتیق پهپاد و راکته آتیلگن.
شونده‌ی بیرحالده، ایران دولتی نینگ ایتیشیچه، بو هجوم‌دن مقصد ایکی هفته آلدین اسرائیل آٰرقه‌لی دمشق ده هوایی هجوم اویوشتیریلیب و سپاه پاسداران کوچلری نینگ ییریک بیر قوماندانی و بیش اعضاسی اولگنی جوابی گه دیب عنوان قیلگن.
اسرائیل ایران نینگ اوشبو هجومی گه قرشی، بیرلشگن ملت‌لر تشکیلاتی خوفسیزلیک کینگشی باشلیغی گه بیر مکتوب آرقه‌لی شاشلینچ ییغین اوتکزیشی نی ایسته‌گن.
بیزلرنینگ «ایکس» ترماغی ده هم تعقیب قیلینگ!
مذکور مکتوب‌ده ایران نینگ دنیا ده تینچ‌لیک و امنیت اوچون بیر تهدید عنوان بولگن.
شونده‌ی بیرحالده، کابل ده بیلیم یورت اوقیتووچیسی و حقوقدان عبدالشکور دادرس نینگ ایتیشیچه، دمشق ده ایران ایلچی‌خانه‌سی گه اسرائیل نینگ هجومی تجاوز ایدی و بیرلشگن ملت‌لر تشکیلاتی نینگ خوفسیزلیک کینگشی آرقه‌لی اونینگ برابریده عکس‌العمل کورسه‌‌تیلمه‌‌گنی صورت‌ده؛ عینی عمل خلق‌ارا حقوقی نطقه‌ی نظری‌دن مجاز و توپراق‌دن دفاع قیلیش دیر.
دادرس نینگ کوپ‌یتیریشیچه: «ایران ایلچی‌خانه‌سی گه اسرائیل هجومی اوزی بیر تجاوز دیر، چونکه او ییر اونگه تیگیشلی و اوزی نینگ ییری دییله‌دی. دنیا اسرائیل نی قاره‌لشی کیره‌ک. خلق‌ارا حقوق نطقه‌ی نظری‌دن عینی عمل مجاز دیر؛ حاضر ایکی تامان نینگ حقی بیتدی، حاضر ایکی مملکت هم هجوم قیلیش گه حقی یوق. عکسینچه حالده تجاوز دییله‌دی.»
مذکور حقوقدان نینگ اورغولشیچه، ایران و اسرائیل آره‌سیده توقنشوولر توخته‌تیلیشی اوچون بیرلشگن ملت‌لر تشکیلاتی نینگ خوفسیزلیک کینگشی تیزلیک بیلن اقدام قیلیشی کیره‌ک.
بو آره‌ده، بیرلشگن ملت‌لر تشکیلاتی و بیر قطار منطقه و دنیا مملکت‌لری، ایران نینگ اسرائیل گه پهپادی و راکته هجوملری نی قاره‌لب و اونینگ توقنشوولر باشلنیشی و منطقه‌ده حربی زورهوانلیکلر کوپه‌یشی و ثبات‌سیزلیک دیگنلر.
شونینگدیک بیرلشگن ملت‌لر تشکیلاتی باش کاتبی آنتونیو گوترش، منطقه‌ده توقنشوولر کینگه‌یشی خوفی خصوصیده آگاه‌لنتیریب و تیزلیک بیلن توقنشوولر توخته‌تیلیشی نی ایسته‌گن.
شونده‌ی بیرحالده، امریکا، بریتانیا، فرانسه و آلمان اسرائیل دن حمایت قیلیشی نی اعلام قیلگن. شونینگدیک اروپا و سعودی عربستان هم منطقه‌ده اوروش کینگه‌یشی سلبی عاقبت‌لری‌دن آگاه‌لنتریب و مصر هم، اوروش تامان‌لری بیلن توقنشوولر توخته‌تیلیشی اوچون صحبت قیلماقده.
عین حالده، اسلام امیرلیگی ایران نینگ اسرائیل گه قرشی هجوملری نی مشروع دیب، دنیا و منطقه مملکت‌لریدن بحران کوچه‌یمسلیگی و اسرائیل جنایت‌لری توخته‌تیلیشی اوچون اسرائیل گه قرشی توخته‌ش نی ایسته‌گن.
اسلام امیرلیگی تشقی ایشلر وزیرلیگی بیر بیانیه ترقه‌تیش بیلن ایتیشیچه، اسرائیل اوتگن ییل میزان آیی‌دن حاضرگچه غزه ده نسل کشلیککه دوام بیریب، منطقه‌ده ناتینچ‌لیک کینگه‌یشی گه سعی‌وحرکت قیلگن.
بیزلرنینگ فیسبوک صحیفه‌میزگه باش اورینگ!
شونینگدیک خلق‌ارا رابطه‌لر بیلرمان‌لریدن قطاری نینگ ایتیشلریچه، توقنشوولر نینگ کوچه‌یگنی صورت‌ده، شرق و غرب اوروشیب و اقتصادی و سیاسی قیین‌چیلیککه سبب بولیشی ممکن.
خلق‌ارا رابطه‌لر بیلرمانی محمود اضطرابی نینگ ایتیشیچه: «بیر دهه‌دن بویان بو توقنشوولری اوچون بیرلشگن ملت‌لر تشکیلاتی نینگ نقشی کوپ آز ایدی و حاضر ایسه مملکت‌لردن قطاری خوفسیزلیک کینگشی و بیرلشگن ملت‌لر نقشی گه اونچه‌لیک اعتبار بیرمه‌یدیلر. اولر بو رقم دوام بیرگنلری صورت‌ده، دنیا نینگ اوچینچی اوروش تامان باریشی ممکن. مملکتلر اقتصادی بیر بیریگه باغلیق دیر و بو توقنشوولر یکونلمسه، اقتصادی رابطه‌لر قیین‌چیلیک بیلن روپه‌ره بوله‌دی و بحران نینگ ایجاد بولیشی گه سبب بوله‌دی.»
عین حالده، ایران اردوعمومی باشلیغی بوگون بیر بیانیه آرقه‌لی ایتیشیچه، اولر گه کوره عملیات یکونلنگن و ایران اونینگ دوام بیریش گه نیتی یوق.
ییتکرمه‌لرده ترقه‌تیلگن گزارش‌لر اساسیده، بوگون ایران نینگ اسرائیل گه قرشی هجوملری باشلنگنی حقیده بیرلشگن ملت‌لر تشکیلاتی نینگ خوفسیزلیک کینگشی آرقه‌لی بیر ییغین اوتکزیلیشی کوتیله‌دی؛ بیراق حاضرگچه بو ییغین نینگ یولگه قوییلیشی خصوصیده معلومات ترقه‌تیلمه‌گن.
