ایران سه‌شنبه کیچه، ۱۰-میزان، بالستیک راکته‌لری شامل قریب ۲۰۰ راکته نینگ اسرائیل تامان اویوشتیرگن. سپاه پاسداران بیر بیانیه ترقه‌تیش بیلن آگاه‌لنتیریشیچه، اسرئیل نینگ جواب قیترگنی صورت‌ده، بو هجوملر نینگ تکرار بولیشی ممکن.
باشقه بیر تاماندن، ایران جمهور باشلیغی مسعود پزشکیان اوز اکس صحیفه‌سیده بیر پیام ترقه‌تیش بیلن، بو هجوم‌دن مقصد «مملکتی نینگ منفعتلریدن دفاع قیلیش» عنوان قیلگن. شونینگدیک او اسرائیل باش‌وزیری گه خطاب قیلیب ایتیشیچه، ایران اوروش ایستمه‌یدی؛ بیراق هر قنده‌ی تهدید برابریده توخته‌یدی.
ایران تشقی ایشلر وزیری سیدعباس عراقچی نینگ ایتیشیچه، بو مملکت آرقه‌لی اسرائیل تامان اویوشتیریلگن راکته‌لردن ۹۰ فایزی، هدفلر گه تیگگن؛ بیراق آق سرای نینگ ادعا قیلیشیچه، بو راکته‌لردن کوپینچه‌سی یوق قیلینگن.
بیزلرنینگ فیسبوک صحیفه‌میزگه باش اورینگ!
سیدعباس عراقچی نینگ کوپه‌یتیریشیچه: «راکته‌لردن ۹۰ فایزدن آرتیغی هدفلر گه تیگگن. بوندن آلدین هم مملکتلر گه ایتگن ایدیک و بو مرته هم ایته‌میز که هر کیم اوز فضاسینی دشمن اختیاری گه قرار بیرگنی‌ده، بیزلرچه مسئول حساب‌لنه‌دی.»
بو هجوم‌دن کیین اسرائیل باش‌وزیری بنیامین نتانیاهو، خبری بیر ییغین‌ده ایران نینگ اسرائیل تامان اویوشتیریلگن راکته‌لر گه اشاره قیلیب و ایتیشیچه، ایران بویوک بیر خطا قیلگن.
اونینگ کوپه‌یتیریشیچه: «ایران بو کیچه بویوک بیر خطا قیلدی و اونینگ قیمتی نی توللــه‌یشی ممکن. ایران توزومی اوزیمی‌دن دفاع قیلیش و دشمن‌لریمیز‌دن انتقام آلیشیمیز اوچون بولگن اراده‌میزنی بیله آلمهیدی. تعیین قیلگنیمیز قاعده گه توخته‌یمیز. هر کیم بیزلر گه هجوم اویوشتیرسه، بیزلر هم هجوم اویوشتیره‌میز.»
باشقه بیر تاماندن، امریکا جمهور باشلیغی جو بایدن نینگ ایتیشیچه، ایران هجومی نینگ فایده‌لی بولگنی کوریله‌دی. بایدن نینگ اورغولشیچه، تهران اوچون بو هجوم نینگ عاقبتی حاضرگچه بیللی ایمس.
اونینگ کوپه‌یتیریشیچه: «حاضرگچه بو هجوم تاثیرلری نینگ تیکشیرماقده‌میز؛ بیراق حاضر بیلگنیمیز گه قدر اوشبو هجوم ناکام و بی‌اثر ایکن. بو اسرائیل و امریکا نینگ نظامی کوچی نی کورسته‌دی.»
شونده‌ی بیرحالده، ایران نینگ اسرائیل گه اویوشتیرگن راکته هجومی، منطقه و دنیاده کینگ شکلده عکس‌العمللر گه روپه‌ره بولگن. امریکا، بریتانیا، فرانسه و باشقه بیر قطار مملکتلر بو هجوم نی قاره‌لگن. عکس‌العمل‌لردن کوپ قطاری‌ده اوروش تامان‌لریدن اورته شرقده اوروش‌لر نینگ دوام بیریلمسلیگی طلب قیلینگن.
خلق‌ارا رابطه‌لر بیلرمانلریدن قطاری نینگ ایتیشلریچه، اسرائیل باش‌دن بیری مستقیم شکلده ایران نینگ مستقیم اوروش گه تارتیلیشی اوچون حرکت قیلگن.
بیزلرنینگ «ایکس» ترماغی ده هم تعقیب قیلینگ!
خلق‌ارا رابطه‌لر بیلرمانی طاهر عرفانی گه کوره، اسرائیل نینگ حزب‌الله لبنان و غزه ده حماس کبی تورلی تامانلر بیلن اوروش‌‌ده بولگنی گه توجه قیلیش بیلن، ایران گه کینگ شکلده جواب قیتره آلمهیدی. اونینگ کوپه‌یتیریشیچه، امریکا هم منطقه‌ده کینگ کولملی اوروش آلدی آلنیشی مقصد اسرائیل جوابی نینگ چیک‌لشگه سعی‌وحرکت قیله‌دی.
شونینگدیک خلق‌ارا رابطه‌لر بیلرمانلریدن باشقه بیری عبدالناصر شفیق، سه‌شنبه کیچه ایران نینگ اسرائیل گه اویوشتیرگن هجومی نی، مذکور مملکت نینگ مشروع مدافعه حقی دیگن.
ایتیش کیره‌ک که، شونینگدیک اسپانیا، آلمان و جاپان مملکتلری هم، ایران نینگ اسرائیل گه اویوشتیرگن هجومی نی قاره‌لب و اورته شرقده اوروش کمه‌یشینی ایسته‌گن.