ایران و اسرائیل یېتکرمه‌لری، ایران اسرائیل گه پهپادی و موشکی هجوم‌لرینی باشله‌گنیدن خبر بیرگنلر.
ایران سپاه پاسدارن بیر بیانیه ترقه‌تیب، اوشبو مملکت بوگون (یکشنبه، ۲۶-حمل) ایرته‌لب قریب ۱۰۰ پهپاد و راکت بیلن اسرائیل گه هجوم قیلگنینی معلوم قیلگن.
بیرلشگن ملتلر تشکیلاتی، امریکا قۉشمه ایالتلری، اروپا اتفاقی، ایتالیا، فرانسه، جرمنی، کانادا، ایران نینگ اسرائیل گه اوشبو هجومی گه مناسبت بیلدیریب و قتیق قاره له‌گنلر.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتی باش کاتبی آنتونیو گوترش، اۉرته شرق ده بو هجوم‌لر تېزلیک بیلن توخته‌لیشینی اېسته‌گن. اونینگ کوپه‌یتیریشیچه: «بوگون ایران نینگ اسرائیل گه هجومی که منطقه ده کېسکین‌لیکّه سبب بوله‌دی، قتیق قاره له‌یمن.»
شونینگدیک، آق سرای ملی خوفسیزلیک کینگش سۉزلاوچیسی ادرین واتسن بیر بیانیه ترقه‌تیب، امریکا قۉشمه ایالتلری جمهور باشلیغی جوبایدن نینگ اسرائیل نی قۉللب-قوتلشی اوستیگه تاکید اېتگن.
بیانیه ده کېلیشیچه: «امریکا قۉشمه ایالتلری اسرائیل خلقی یانیگه توخته‌ب و ایران نینگ هر قنده‌ی تهدیدلری برابری ده اولردن دفاع قیله‌دی.»
بیزلرنینگ «ایکس» ترماغی ده هم تعقیب قیلینگ!
اروپا اتفاقی نینگ تشقی سیاست ایشلری بوییچه باشلیغی جوزپ بورل، ایران نینگ اسرائیل گه هجومینی قاره‌لب و بو هجومنی منطقه خوفسیزلیگی اوچون جدی تهدید و مثل‌سیز هجوم عنوان قیلیب و اونی قاره له‌گن.
ایران ایکّی هفته آلدین سوریه پایتختی دمشق ده قنسولرلیگی اسرائیل تامانیدن نشانگه آلینیشی گه جواب، بو هجومنی اۉیوشتیرگن.
