ایران ییتکرمه‌لری نینگ گزارش بیریشیچه، ایکی کون آلدین اوشبو مملکت نینگ کرمان ولایتی‌ده یوز بیرگن هجوم‌لرده اولگن کیشی‌لر آره‌سیده، ۱۱ ته افغانستان‌لیک یشاوچی هم شامل دیر.
ایسنا خبرگزارلیگی افغانستان اوچون ایران جمهور باشلیغی مخصوص نماینده‌سی نینگ ییتکرمه‌لر ایشلری بوییچه اورین باسری مهدی‌پوردن نقل قیلیب یازیشیچه، اولگن کیشی‌لر آره‌سیده ۱۱ ته افغانستان‌لیک یشاوچی نینگ جسد‌ی بار و اولر کرمان ولایتی «گلزار شهدا» گه زیارت اوچون بارگن ایکنلر.
بیزلرنینگ فیسبوک صحیفه‌میزگه باش اورینگ!
مذکور خودکش هجوم‌لر، ۱۳-جدی چهارشنبه کونی عصر چاغی، کرمان ولایتی نینگ «گلزار شهدا» منطقه‌سیده قدس سپاه پاسداران کوچلری نینگ سابق قومندانی قاسم سلیمانی اولدیریلگن‌لیگی نینگ تورتینچی ییل‌لیگی مناسبتی بیلن یولگه قوییلگن مراسم گه یوزلب کیشی نینگ شرکت قیلگنی بیرحالده، یوز بیرگن. ایران ییتکرمه‌لری نینگ گزارشی اساسیده، مذکور هجوم‌لرده ۱۰۳ کیشی اولیب و ۱۴۱ کیشی یره‌لنگن
داعش گروهی بیر اعلامیه ترقه‌تیب اوشبو هجوم‌لر مسئولیتی نی تن آلیش بیلن، اوشبو هجوم‌لرده ۳۰۰ کیشی اولیب و یره‌لنگن. داعش گروهی گه کوره، «عمر موحد» و «سیف‌الله مجاهد» اسم‌لی هجوم‌چیلر، اوزلری نی جمعیت آره‌سیده پارتلتگنلر.
بیزلرنینگ «ایکس» ترماغی ده هم تعقیب قیلینگ!
اوشبو هجوم‌لر کوپینچه عکس‌العمل بیلن روپه‌ره بولگن. قاسم سلیمانی تورت ییل آلدین عراق ده امریکا نینگ اوچووچی‌سیز اوچاق‌لری تامانیدن نشانگه آلینیب اولدیریلدی.
