ایران ییتکرمه‌لری اوشبو مملکت کرمان ولایتی ایمرجنسی باشلیغی‌دن نقل قیلیب گزارش بیریشیچه، ۱۳-جدی چهارشنبه کونی عصر چاغی قدس سپاه پاسداران کوچلری نینگ سابق قومندانی قاسم سلیمانی اولدیریلگن‌لیگی نینگ تورتینچی ییل‌لیگی مناسبتی بیلن یولگه قوییلگن مراسم‌ده یوز بیرگن پارتلش‌لرده، ۱۰۳ کیشی اولگن دیر.
ایرنا خبرگزارلیگی کرمان ولایتی ایمرجنسی باشلیغی‌دن نقل قیلیب یازیشیچه، مذکور پارتلش‌لرده ۱۴۱ کیشی یره‌لنگن. کرمان ولایتی ایمرجنسی باشلیغی گه کوره، واقعه‌لر طفیلی یره‌لنگنلردن کوپینچه‌سی نینگ وضعیتی یامان دیر. ایرنا نینگ گزارش بیریشیچه، اوشبو پارتلش‌لرده ۷۳ کیشی اولیب و ۱۷۱ کیشی یره‌لنگن.
بیزلرنینگ «ایکس» ترماغی ده هم تعقیب قیلینگ!
ایران ایچکی ایشلر وزیری احمد وحیدی نینگ ایتیشیچه، بیرینچی پارتلش اوتگن کون توش‌دن کیین ساعت ۰۳:۰۰ و ایکینچی پارتلش ایسه اهالی نینگ بیرینچی پارتلش‌ده یره‌لنگنلر گه یاردم بیریش اوچون ییغیلگنی پیتده، ساعت ۰۳:۲۰ یوز بیرگن.
ایران ایچکی ایشلر وزیرلیگی نینگ کوپه‌یتیریشیچه، کوپینچه کیشی ایکینچی پارتلش‌ده قربانی بولگن. اونینگ اورغولشیچه، حاضر ایسه کرمان شهری وضعیتی عادی بولیب و اوشبو مملکت خوفسیزلیک کوچلری نینگ کنترولی آستیده دیر. ایران ایچکی ایشلر وزیری نینگ بیان قیلیشیچه، «بو ترورچیلیک اقدام» ایران خوفسیزلیک کوچلری نینگ اینگ قتیق جوابی بیلن روپه‌ره بولیشی ممکن.
مذکور پارتلش‌لر اوتگن کون عصر چاغی کرمان ولایتی نینگ «گلزار شهدا» اسم‌لی منطقه‌سیده قاسم سلیمانی اولدیریلگن‌لیگی نینگ تورتینچی ییل‌لیگی مناسبتی بیلن یولگه قوییلگن مراسم‌ده یوزلب کیشی نینگ شرکت قیلگنی بیرحالده، یوز بیرگن.
اوشبو پارتلش‌لر مسئولیتی نی حاضرگچه بیرار گروه یا-ده شخص تن آلمه‌گن.
بیزلرنینگ فیسبوک صحیفه‌میزگه باش اورینگ!
قاسم سلیمانی تورت ییل آلدین عراق ده امریکا نینگ اوچووچی‌سیز اوچاق‌لری تامانیدن نشانگه آلینیب اولدیریلدی.
