افغانستانلیک قاچقینلر برابریده ایران حربی کوچلری نینگ فیزیکی زوره‌وانلیکلریدن ترقه‌لگن ویدیولردن کیین، قاچقینلردن قطاری نینگ سلام‌وطندار گه ایتیشلریچه، سونگی هفته‌لر افغانستانلیک قاچقینلر برابریده حقارت و فیزیکی زورهوانلیکلر کوپه‌یگن.
ایران ده‌گی افغانستانلیک قاچقینلردن پریسا مبارز و بنفشه ظفری نینگ ایتیشلریچه، مذکور مملکت‌ده افغانستانلیک قاچقینلر بیر تاماندن زوره‌وانلیک و حقارت و باشقه بیر تاماندن ویزه‌لری نینگ تمدید بولمسلیک قیین‌چیلیگی بیلن روپه‌ره‌لر.
پریسا مبارز نینگ کوپه‌یتیریشیچه: «حقیقتاً ایران ده افغانستانلیک قاچقینلر حقارت، کلتک‌لنیش و زوره‌وانلیک بیلن روپه‌ره و شونینگدیک حتا اولدیریله‌دیلر و هیچ کیم جوابگر ایمس.»
بیزلرنینگ «ایکس» ترماغی ده هم تعقیب قیلینگ!
شونینگدیک بنفشه ظفری نینگ کوپه‌یتیریشیچه: «ایش وضعیتی هم قاچقینلر اوچون یامان‌لنگن. یعنی افغانستان‌لیکلرگه آز پول بیلن اداری ایش قیل دیه‌دیلر. ایش وقتی هم کوپ دیر. بیر ایش بیرگنلریده افغانستان‌لیک‌سین دیب باشقه بیر ایش نی هم بیره‌دیلر. قبول قیلگنینگ‌ده یخشی بولمسه ایش نی ترک قیل دیه‌دیلر.»
اسلام امیرلیگی سرپرست حکومتی تشقی ایشلر وزیرلیگی، ایران ده افغانستانلیک قاچقینلر بیلن یامان یانده‌شیش نی «خواطرلنتیرووچی» دیب و مذکور مملکت حکومتی‌دن افغانستانلیک قاچقینلر بیلن یامان یانده‌شه‌دیگن کیشیلر نینگ محاکمه قیلینیشینی ایسته‌گن.
تشقی ایشلر وزیرلیگی سوزلاوچیسی اورین باسری ضیااحمد تکل نینگ ایتیشیچه: «افغانستان اسلام امیرلیگی تشقی ایشلر وزیرلیگی ایران ملتی‌دن افغانستانلیک قاچقینلر میزبانی بولگنی منتدارلیک قیلیب، اوشبو مملکت اسلامی جمهورلیگی رسمی‌لریدن سونگی کونلر افغانستان‌لیکلر بیلن یامان یاشده‌شگن عامللری نی محاکمه قیلیب و افغانستان‌لیکلر حقوقی نقض ایتیلیشی، افغانستان ده یشاوچیلری تویغوسی نینگ ناراضلیگی گه آلیب کیلیشی خصوصیده رخصت بیریلمسلیگی نی ایسته‌گن.»
شونده‌ی بیرحالده، قاچقینلر بیلن یامان یانده‌شیش گه شاهد بولگن ایران ده‌گی قانونی‌سیز شکلده حیات کیچیره‌دیگن افغانستان یشاوچیلریدن قطاری نینگ ایتیشلریچه، حیات خره‌جتلرینی تامین‌لش اوچون بو وضعیت نینگ چیده‌ش گه مجبورلر.
ایران ده‌گی قانونی‌سیز شکلده حیات کیچیره‌دیگن افغانستانلیک یشاوچیلردن کمال نینگ ایتیشیچه: «اقتصادی قیین‌چیلیک‌لر دیر. اوزیم تورت باله‌م بیلن ایران ده حیات کیچیره‌من. بو ییرده قانونی حجتی‌میز یوق و باسیم آستیدهمیز. ایکی باله‌م مکتب باریب و سبق آلیشی کیره‌ک. حجت‌سیز بولگنیمیز اوچون درس اوقه آلمه‌یدیلر. اقتصادی و روحی باسیم‌لر بار.»
بیزلرنینگ فیسبوک صحیفه‌میزگه باش اورینگ!
شونینگدیک ایران ده‌گی قانونی‌سیز شکلده حیات کیچیره‌دیگن افغانستانلیک یشاوچیلردن باشقه بیری عزیزالله ولی‌زاده نینگ ایتیشیچه: «ایران، بیرلشگن ملتلر تشکیلاتی و بیرلشگن ملتلر تشکیلاتی نینگ عالی کمیسارلیکلریدن قاچقینلر گه توشینیشلری و بو رقم قولگه آلینیشلر و جبری شکلده چیقریلیشلر نینگ تیزلیککه توخته‌تیلیشی نی ایسته‌یمیز. شونینگدیگ کنایه‌لی سوزلر هم توخته‌تیلسین.»
بوندن آلدین ایران پولیس و چیگره‌لرنی سقلش عمومی باشلیغی احمدرضا رادان، ناقانونی قاچقینلر قویاش جاری ییل نینگ یکونی‌گچه اوشبو مملکت نی ترک قیلیشی کیره‌ک دیگن ایدی.
ایران ده افغانستانلیک قاچقینلر سانی خصوصیده بیللی بیر معلومات قولگه بولمه‌گنی بیرحالده؛ بیراق ایران تامانیدن ترقه‌تیلگن سونگی آمار گه قره‌گنده بیش میلیون‌دن آرتیق افغانستانلیک مذکور مملکت‌ده حیات کیچیریماقده.
