ایران‌نینگ جنوبی خراسان حاکمی محمدرضا هاشمی‌نینگ ایتیشیچه، مملکتی قویاش جاری ییل‌ده افغانستان بیلن مناسبت‌لری رواجلنیشی مقصد، فراه ده بیر قنسولگرلیک آچیش اوچون سعی‌وحرکت قیلماقده.
ایرنا آژانسی‌نینگ گزارش بیریشیچه، محمدرضا هاشمی بو موضوع‌نی اوتگن کونی بیان قیلیب و کوپه‌یتیریشیچه، ایران بو مملکت‌‌نینگ بیرجند شهری‌ده هم افغانستان قنسول‌گرلیگی‌نی آچماقچین. «جنوبی خراسان افغانستان بیلن کوپینچه قوشمه چیگره و تورت‌ته چیگره بازارچه‌سی‌گه ایگه بولگنی اوچون بو مملکت بیلن تجارتی آلیش-بیریش رواجلنیشی توغریسیده کوپینچه امکانیت‌لر گه ایگه دیر.»
بیزلرنینگ فیسبوک صحیفه‌میزگه باش اورینگ!
ایران‌نینگ جنوبی خراسان حاکمی، بو اقدام ایکی مملکت اهالی‌سی‌نینگ باریب-کیلیشی توغریسیده آسایشته‌لیک یره‌تیلیشی، فرهنگی، تجاری و سوداگرلیک مناسبت‌لر کوچه‌یشی مقصد صورت تاپیشی‌‌گه تاکید قیلگن.
ایران، افغانستان‌نینگ اینگ اونملی تجاری شریک‌لری‌دن بولیب و بو مملکت رسمی‌لری‌گه کوره، افغانستان حاضر ایران‌نینگ بیشینچی صادراتی توارلری بازاری‌گه اَیلنگن.
بیزلرنینگ «ایکس» ترماغی ده هم تعقیب قیلینگ!
ایران‌نینگ معلوماتی اساسیده، افغانستان و ایران ۲۰۲۴-ییل‌ده اوچ میلیارد ۱۹۷ میلیون دالر‌لیک آلیش-بیریش قیلگن که بو رقم ۲۰۲۳-ییل‌گه قره‌گنده، ۸۴ فایز کوپه‌یگن.
