تورکیه جمهور باشلیغی رجب طیب اردوغان، غزهده اسرائیلنینگ ییر و هوا هجوملری عاقبتیده قربان بولگن ۷۰ مینگ کیشی ارا، اوچدن ایکی قسمینی عیاللر و بالهلر تشکیل بیریشینی ایتگن.
اردوغان جنابلری، ۴-قوس/۲۵-نومبر، سهشنبه کونی استانبول شهریده «عیاللر گه نسبتن زورهوانلیککه قرشی کورهش خلقارا کونی» مناسبتی بیلن اۉتکزیلگن تدبیرده ایتیشیچه، غزهده اسرائیل حربی کوچلرینینگ ییر و هوا هجوملری عاقبتیده ۷۰ مینگ فلسطینلیک قربان بولگن و اولرنینگ اوچدن ایکی قسمینی عیاللر و بالهلر تشکیل بیرهدی که بو رقم هر بیر وجدانلی انساننینگ لرزه و دهشتی گه سبب بولهدی.
اردوغان شوندهی دیېدی: «سۉنگی ایکی ییل دوامیده غزه خاتین-قیزلری گه نسبتن زورهوانلیکلر گه یېترلیچه مناسبت کورسهتیلمهگن.»
شو بیلن بیرگه، تورکیه جمهور باشلیغی، ظالم یا کی مظلومنینگ کیملیگیگه قرهمسدن اولردن دفاع قیلیب و حقیقتنی هر ساحهده بولسههم بلند آواز بیلن ایتیشینی بیلدیردی.
