انبیسی آژانسینینگ گزارش بیریشیچه، امریکا جمهور باشلیغی دونالد ترامپ، اوکراین جمهور باشلیغی ولودیمیر زلنسکینینگ آلاسکا گه تکلیف قیلیشینی تیکشیرماقده.
دونالد ترامپ و روسیه جمهور باشلیغی ولادیمیر پوتین کیلهسی هفته، آلاسکا ده اوکراین اوروشیگه چیک قوییش اوچون اوچرهشیشلری ممکن.
بیزلرنینگ فیسبوک صحیفهمیزگه باش اورینگ!
انبیسی بوگون (۱۹-اسد، یکشنبه)، پوتین بیلن مذاکرهلر جریانی حقیده امریکانینگ ایشانچلی منبعلریدن نقل قیلیب و یازیشیچه، زلنسکینینگ آلاسکا گه سفری انیقلنمهگن و اونینگ مذاکرهلرگه حضوری بولیب و بولمسلیگی بیللی ایمس؛ لیکن امریکا ده «برچه کیشی اونینگ یوز بیریشیگه امیدوار دیر.»
گزارشده کیلیشیچه، ترامپ اوکراین ده تینچلیککه ایریشیش اوچون اوچ تامانلمه ییغیلیش اوتکزیلیشینی ایستهیدی.
اوکراین دولتی حاضرگچه، آلاسکا گه زلنسکینینگ تکلیف قیلیش موضوعسیگه تیگیشلی، هیچ بیر فکر بیلدیرمهگن.
بیزلرنینگ «ایکس» ترماغی ده هم تعقیب قیلینگ!
ترامپنینگ ۱۷-اسد، جمعه کونی اعلام قیلیشیچه، پوتین بیلن آلاسکا ده اوچرهشیب و اوکراین ده اوروش یکونلنیشی توغریسیده صحبت قیلیشی ممکن.
یقینده، امریکانینگ مخصوص وکیلی استیو ویتکاف، مسکو ده پوتین بیلن اوچرهشگن که بو اوچرهشوو ترامپ تامانیدن ایجابی بهالهنیب و اونینگ پوتین بیلن اوچرهشوویگه زمینه یرهتگن.
