هرات مرکزی قماقخانه‌سیده محبوسلرنینگ جنجللی و آتیشمه‌سی باعث ۸ محبوس هلاک و ۸ محبوس و ۴ پولیس تن جراحتی کوتارگن.
هرات ساغلیک ریاست سوزلاوچیسی محمدرفیق شیرزی نینگ سلام‌وطندارگه ایتیشیچه، بو ولایت حوزوی کسلخانه‌سیگه انتقال بیریلگن جسدلرنینگ معاینه‌سیگه کوره، بیر محبوس اوق اصابتی باعث هلاک بولگن و باشقه ۷ محبوس نابیللی زهری ماده استعمال قیلیش نتیجه‌سیده جان بیرگن.
اونگه کوره، شونینگدیک ۸ محبوس اوق آتیلیشی باعث و ۴ پولیس کلتک‌لنگنی باعث یره‌لنگن. یره‌دارلرنینگ وضعیتی یمان دییلگن.
هرات قماقخانه‌سیدن بیر منبع کیم‌لیگی فاش ایتیلیشی نی ایستمه‌ی سلام‌وطندارگه ایتیشیچه، اوتگن کون (چهارشنبه ۸- عقرب) شام چاغی محبوسلر مذکور قماقخانه بلاک‌لری ملی خوفسیزلیک خاص کوچلری تامانیدن تیکشیریلیشی گه اعتراض بیلدیریشگن. اوشبو محبوسلرنینگ اعتراضی اوتگن کیچه ساعت ۱۱ گچه دوام تاپگن.
اونگه کوره، ملی خوفسیزلیک خاص کوچلری بو قماقخانه نینگ ۵- بلاکی گه کیریب و یخچال، تلویزیون، کُلر، شخصی تلیفون و شونگه اوخشش محبوسلرنینگ باشقه نیرسه‌لرینی اتاق‌لردن تشقی چیقاریب و نابود قیلگن.
منبع گه کوره، پولدار محبوسلردن قطاری بو قماقخانه ده اوزلری اوچون یخشی امکانیتلر یره‌تگن ایکن کیم ملی خوفسیزلیک کوچلری تامانیدن نابود قیلینگن.
منبع نینگ کوپه‌یتیریشیچه، ملی خوفسیزلیک کوچلری نینگ بو ایشی باعث ۵- بلاک محبوسلر آرقه‌لی اوت بیریلگن.
هرات محلی رسمی‌لری و مذکور ولایت مرکزی قماقخانه مسئوللری بو توغریده سوزلش گه حاضر بولمه‌گن.
ایتیش کیره‌ک کیم اوتگن هفته بیر محبوس بو قماقخانه ده اوزینی اوت بیرگن ایدی.
