هرات مرکزی قماقخانه‌سی مسووللری نینگ ایتیش‌لریچه، قماقخانه‌ده بولگن بیر کیشی اوزینی اوتگه تارتگن.
هرات مرکزی قماقخانه مدیری میوند صمدی نینگ بو واقعه‌نی تصدیق‌لب سلام‌وطندارگه ایتیشیچه، اوشبو کیشی عایله‌وی جنجل‌لر باعث، اوزینی اوتگه تارتگن.
صمدی جنابلری نینگ سوزیگه کوره، مذکور کیشی اوتگن کونی شام چاغیده عیاللر قماقخانه‌سیده محبوس بولگن آنه و سینگیلیسی بیلن اوچره‌شوودن سونگ اوزنی اوتگه تارتگن.
جناب صمدی‌گه کوره، مذکور کیشی ۷ ییل آلدین آته‌سی، آنه‌سی، سینگیلیسی و تاغه‌سی بیلن بیریلیک‌ده آدم اوغیرلاوچیلیک عیبی بیلن قولگه آلینیب محبوس بولگن ایدی.
عین‌حالده، هرات مرکزی قماقخانه‌سی نینگ مدیری، بو واقعه‌نی تیکشیریش اوچون هیات تعیین‌لنگنیدن خبر بیرگن.
هرات حوزه‌یی کسلخانه‌سی نینگ باش طبیبی عارف جلالی‌گه کوره، مذکور کیشی ۲۶ یاشیده بولیب، اوتگن کونی درمانلنیش اوچون کسلخانه‌گه انتقال بیریلگن.
جناب جلالی‌گه کوره، اوشبو کیشی نینگ بدنی ۹۰% کویگن و حیات‌ده قالیش امکانی جوده آز دیر.
حاضرده هرات ولایتی نینگ مرکزی قماقخانه‌سیده ۱۰۰ عیال شامل ۲۵۰۰ دن آرتیق کیشی محبوس دیر.