اسلام امیرلیگی سۉزلاوچیسی ذبیحالله مجاهد، تورکیهنینگ استانبول شهریده مملکت و پاکستان هیئتی اورتهسیدهگی مذاکرهلر یکونلنگنینی اعلان قیلدی.
مجاهد جنابلری، ۹-عقرب، جمعه کونی بامداد پیتی ایکس صحیفهسیده بیر بیانیه ترقهتیب، اسلام امیرلیگی و پاکستان اوشبو باسقیچده قالگن مسئلهلر بوییچه مذاکرهلرنی دوام ایتیریشگه کیلیشیب آلگنلر دیب یازگن.
او شوندهی دیب یازگن: «استانبول دهگی مذاکرهلر مرکب جریان بولگن بولسهده، تامانلر ېنه اوچرهشیب، قالگن مسئلهلرنی کوریب چیقیش و محاکمه قیلیشگه کیلیشدیلر.»
مجاهدنینگ کوپهیتیریشیچه، اسلام امیرلیگی دیپلماسی و اۉز ارا توشونیشگه ایشانهدی. شو سببلی پاکستان بیلن مذاکرهلر جریانینی صمیمیت و جدیت بیلن باشلب، حاضرگی باسقیچگچه تولیق همکارلیک و صبر بیلن دوام ایتیرگن.
اسلام امیرلیگی سۉزلاوچیسی، افغانستان پاکستان بیلن اۉز ارا حرمت گه، بیر-بیرینینگ ایچکی ایشلریگه ارهلشمسلیککه و هېچ بیر تامانگه تهدید توغدیرمهیدیگن مناسبتلر گه اساسلنگن علاقهلر گه صادق دیب تأکیدلهگن.
اسلام امیرلیگی و پاکستان وکیللری آلتی کون اول تورکیهنینگ استانبول شهریده اۉزلرینینگ ایکینچی باسقیچ مذاکرهلرینی باشلهگن اېدیلر.
