اوزبیکستان دولتی اوشبو مملکتده برق تنقیص‌لیگی طفیلی نیچه کوندن بویان، افغانستان گه ۶۶ فایز صادراتی برقینی کمه‌یتیرگن.
افغانستان برشنا شرکتی مسئوللری، اولکه یشاوچیلری برق قیینچیلیگی حل بولگونچه صبرلی بولیش‌لری کیره‌ک دیگن.
برشنا شرکتی سوزلاوچیسی حکمت‌الله میوندی نینگ ایتیشیچه: «پایتخت کابل و باشقه ۱۱ ولایتده برق پرچاوی‌لیگینی کمه‌یتیریش مقصدیده تره‌خیل حرارتی برقینی افتتاح قیلدیک. یشاوچیلر برق قیینچیلیگی حل بولگونچه صبرلی بولیش‌لری کیره‌ک.»
بیزلرنینگ فیسبوک صحیفه‌میزگه باش اورینگ!
کابل یشاوچیلریدن قطاری نینگ ایتیشلریچه، برق پرچاوی‌لیگی ایشلری اوستیگه سلبی تأثیر قیلگن.
کابل یشاوچیلریدن غلام‌سخی گه کوره: «مینی خشکه‌شویی لیگیم بار و برق یوق، جنراتورنی یاقیش اوچون تیل ساتیب آلیشگه مجبور من و بو ایش مین اوچون قیمت توشه‌دی.»
کابل یشاوچیلریدن باشقه بیری نوید صدیقی نینگ ایتیشیچه، خصوصی بیر کمپنیه ده ایشله‌یدی و برق یوق‌لیگی ایشلری اوستیگه تأثیر قیلگن.
اونگه کوره: «یشش اوی ده برق یوق و دفتر ده هم برق یوق. دفتر ده اینترنت گه نیاز دیر، برق بولمه‌گنده ایشلریمیز آلغه بارمه‌یدی.
بیزلرنینگ توییترده هم تعقیب قیلینگ!
افغانستان برشنا شرکتی مسئوللری نینگ کوپه‌یتیریشیچه، پایتخت و باشقه ۱۱ ولایت برق تنقیص‌لیگی بیلن روپه‌ره دیر، هر کونی ایکی ساعت و کیچه‌لیک ایکی ساعت برق بیریله‌دی؛ بیراق یشاوچیلر ۲۴ ساعت ایچیده تورت ساعت برق بیریلیشینی ییترلی بیلمه‌یدیلر.