ایران ده جمهورلیک ریاستی سیلاوی باشلنگن. ایران‌لیک میلیون‌لرچه فقرا اوشبو مملکت نینگ ۱۴-دور جمهورلیک ریاستی سیلاوی گه قتنه‌شیب، اۉز تنله‌گن نامزدلری گه آواز بیریش‌لری کوتیله‌دی.
ایران سیلاولر ستاد باشلیغی محمد تقی شاهچراقی، سیلاو بوگون (۸-سرطان، جمعه) محلی وقت بیلن ساعت ۸:۰۰ اطرافی ده رسمی طرزده باشلنگنیدن خبر بیرگن.
اونگه کوره، سیلاو نتیجه‌سی اېرته توش گه قدر اعلام بولیشی ممکن.
بیزلرنینگ فیسبوک صحیفه‌میزگه باش اورینگ!
اوشبو قویاش ییل ثور آی ده ابراهیم رئیسی و همراه هیئتی نینگ تیک‌اوچری قولشیدن سۉنگ، ایران سیلاولر کمیسیونی جاری ییل ۸ سرطان مذکور مملکت نینگ ۱۴-دور جمهورلیک ریاستی سیلاوی اۉتکزیلیش تاریخی دیب اعلام قیلدی.
ایران جمهورلیک ریاستی سیلاوی ۱۴-دوری ده مسعود پزشکیان، مصطفا پورمحمدی، سعید جلیلی و محمدباقر قالی‌باف اوشبو مملکت جمهورلیک ریاستی سیلاوی گه غلبه قازانیش اوچون رقابت قیله‌دیلر.
بیزلرنینگ «ایکس» ترماغی ده هم تعقیب قیلینگ!
ایران بویلب جمهورلیک ریاستی سیلاوی رسمی طرزده باشلنیشی بیلن بیرگه، ایران نینگ چیت ایل ده‌گی بیرقطار ایلچیخانه‌لریده هم آواز بیریش جریانی باشلنگن.
اوشبو سیلاو گه شرایط گه ماس ۶۱ میلیون ۴۵۲ کیشی آواز بیریش‌لری کوتیله‌دی.
