بدخشان محلی مسووللری نینگ ایتیش‌لریچه، اوشبو ولایت نینگ ارغنجخواه تومنیده ترافیکی بیر حادثه نتیجه‌سیده، عیال‌لر و باله‌لر شامل ۸ کیشی هلاک و باشقه ۹ کیشی یره‌لنگن.
بدخشان پولیس قومندانلیگی سوزلاوچیسی نیکمحمد نظری نینگ ایتیشیچه، اوشبو ولایت نینگ ارغنجخواه تومنیده صرف بیر موترنی ییقیلگنی سبب، ۸ کیشی هلاک و باشقه ۹ کیشی یره‌لنگن.
نظری نینگ کوپه‌یتیریشیچه، بو حادثه بوگون “دوشنبه” توشدن آلدین مذکور موترنی ارغنجخواه تومنی‌دن بدخشان مرکزی تامان کیله‌دیگن پیت یوز بیرگن.
بدخشان پولیس قومندانلیگی سوزلاوچیسی نینگ ایتیشیچه، اوشبو واقعه‌ده هلاک ایتیلگن‌لردن ۳ ته‌سی عیال و باشقه بیر ته‌سی باله دیر.
اونینگ کوپه‌یتیریشیچه، یره‌لنگن کیشی‌لر فیض‌آباد شهریده جایلشگن برهان‌الدین ربانی کسلخانه‌سیگه انتقال بیریلگن.
بدخشان‌ده قتناو یول‌لرنینگ هموار بولمه‌گنی و و هیداووچی‌لرنینگ دقت‌سیزلیگی سبب، گاه‌گاهی ترافیکی حادثه یوز بیریب اوشبو ولایت یشاوچی‌لریدن قربان‌لیک آله‌دی.
