افغانستان سرپرست حکومت ایچکی ایشلر وزیرلیگی جمعه کیچه، ۱۰_قوس بیر بیانیه ترقه‌تیب، هرات ولایتی‌ده آلتی کیشی ناتانیش کیشیلر تامانیدن آتیب اولدیریلیب و ایکی کیشی یره‌لنگنی‌دن خبر بیرگن.
ایچکی ایشلر وزیرلیگی اوشبو واقعه نی «تروریستی» عنوان قیلگن. مذکور وزیرلیک نینگ یازیشیچه: «افسوس بیلن هرات ولایتی نینگ انجیل تومنیده ناتانیش کیشیلر عیاللر شامل آلتی کیشینی اولدیریب و ایکی کیشینی یره‌لنتیرگن.»
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی، بو «کیچیریب بولمس جنایت» نی قاره‌لش گه قوشیمچه، واقعه طفیلی قربان‌لر نینگ عایله اعضالری و قرینداش‌لری گه قیغوداشلیک بیلدیرگن.
ایچکی ایشلر وزیرلیگی نینگ کوپه‌یتیریشیچه، اوشبو ترورچیلیک ایشلر «افغانستان خلقی دشمن‌لری» نینگ ایشی دیر. مذکور وزیرلیک، بو کبی جنایی واقعه‌لرنی جدی تیکشیریب و عامللرینی عدلی و قضایی نهادلر گه تاپشیریشیدن ایشانچ بیرگن.
هرات ده محلی منبع‌لر نینگ سلام‌وطندار گه ایتیشلریچه، اوتگن کون توش دن کیین قوراللی ناتانیش کیشیلر، مذکور ولایت نینگ جبرئیل منطقه‌سیده ریکشا ده‌گی یولاوچیلرنی اوققه توتگنلر.
منبع‌لر گه کوره، واقعه ده شیعه مذهب ایکی دین عالمی شامل آلتی کیشی اولیب و ایکی کیشی ایسه یره‌لنگن.
بیزلرنینگ توییترده هم تعقیب قیلینگ!
منبع‌لر نینگ کوپه‌یتیریشیچه، «حضرت ابوالفضل» مسجدی نینگ خطیبی محمدمحسن حامدی و «رسول اعظم» مسجدی نینگ امامی محمدتقی صادقی اسملی ایکی دین عالمی آتیب اولدیریلگن.
اوشبو واقعه نی حاضرگچه هیچ کیم یا که گروه تن آلمه‌گن.
