قویاش باتیشیدن کیین برق پرچاویلری سایهسی و چاریکار بازاریگه قرانغولیک ترقهلیشی بیلن، قول اوستیده سودا ساتهدیگنلردن کوپ قطاری یخشی بیر درآمد قولگه کیلتیرمهگنلری بیرحالده، یانلریدهگی نرسهلرنی ییغیشگه مجبور بولهدیلر. اوشبو قرانغولیک آرهسیده محمدیاسین، بیر قطار چراغلرنی توزهتگن که هر آخشم اونی قول اوستیده سودا ساتهدیگنلرگه ۲۰ افغانی عوضیگه کرایه بیرهدی.
محمدیاسین نسیمی، ۵۲ ته چراغ جایلشتیریلگن قوطی بیلن هر کونی هوانینگ قرانغو بولمسدن آلدین چاریکار شهریدهگی قول اوستیده سودا ساتهدیگنلر آرهسیده یوریب، اولرنینگ یاروغلیکدن فایدهلنیشی و کیچهنینگ کیچ پیتیگه قدر ایشلشگه دوام بیریشلری مقصد، بو چراغلرنی اولرگه کرایه بیرهدی.
پروان مرکزی چاریکار بازاری، ییللردن بویان بیردن برق کیتیب و قرانغو بولیب قالیشلر بیلن روپهره دیر. قول اوستیده سودا ساتهدیگنلردن کوپ قطاری کیچهلر ییترلی یاختیلیک بولمهگنی سبب، نرسهلرینی ییغهدیلر. لیکن قول اوستیده سودا ساتهدیگن اونلب کیشی اوچون اوشبو ایرککنینگ توزهتگن کیچیک چراغلری سودا قیلیش بیلن آچ قالیش آرهسیدهگی فرقنی انگلتهدی.
محمدیاسین نسیمینینگ ایتیشیچه: «بازار گه چیققنیمده سبزهوات ساتووچیلرنینگ گازی گیسدن فایدهلنیشینی کوردم. بیراز شمال بولگنیده جالیسی خراب بولهدی و اوچهدی. انه شوو سبب مذکور چراغلرنی توزهتیشگه قرار آلدیم. باشده بیر باتری و ایکی چراغدن فایدهلنیش بیلن اونی توزهتدیم. اوندن کیین بازارده مشتری تاپدیم.»
نسیمی، مذکور چراغلرنی بیر ایشخانهده ییتی-سکیز ایشچینینگ یاردمی بیلن توزهتیب و هر بیر چراغنینگ توزهتیلیشی قریب بیرمینگ ۶۰۰ افغانی خرهجت کوتارهدی.
بو نهفقط بیر چراغنینگ حکایهسی دیر، بو قرانغودن شکایت قیلیش اورنیده ایجادکارلیک یولینی تنلشگه قرار بیرگن بیر ایرککنینگ حکایهسی دیر. «بیر چراغ بیرته باتری و برچه ضرور بولگن نرسهلری بیلن ۱۶۰۰ بولهدی. مذکور چراغلرنینگ نمبری بار و قول اوستیده سودا ساتهدیگنلرگه ۲۰ افغانی گه کرایه بیریب و آتلرینی کتابچهگه یازهمن.»
محمدیاسین نسیمی، بو ایشنینگ رواجلینشینی آرزو قیلیب و ایتیشیچه، مالی قوللب-قوتلنگنی صورتده، ایشینی باشقه ولایتلرده هم کوچهیتیرهدی. «باشقه ولایتلرده هم بو ایشنی عملگه آشیرماقچینمین. کوپراق یاردم و سرمایه یاتقیزیلیشگه نیازیم بار. شونینگدیک کتهراق بیر جای گه کوپینچه چراغ توزته آلسم.»
بازار ایسته-سیکین ساکنلشماقده، بیراق اوشبو ایرککنینگ توزهتگن چراغلری کیچ پیتگچه اوتیب-قیتهدیگنلرگه یاختیلیک یرهتیب و قول اوستیده سودا ساتهدیگنلر ایسه یوقاری سیسلهنیش بیلن مشتری تاپیش توغریسیده سعیوحرکت قیلماقده.
