تخار ولایتی نینگ فرخار تومن یشاوچیلری «آسان نکاح» ناملی بیر ییغین اوتکزیب، قیزلرنینگ مهریه‌سی عایله‌لر آرقه‌لی کمه‌یتیریلیشی خصوصیده قرار آلیشگن. مذکور کیشیلر قیزلرنینگ مهریه‌سینی ۲۵۰ مینگ افغانی تعیین قیلگن.
یشاوچیلر گه کوره، قیزلرنینگ مهریه‌سی و توی خره‌جتی یوقاری بولگنی، ییگیت‌لرنینگ مهاجر بولیشی و مخدره ماده‌لرگه چلینیشی گه سبب بوله‌دی. یشاوچیلرنینگ ایتیش‌لریچه، اقتصادی قیین‌چیلیکلر اویدن قاچیش و جماعه یمان ایشلر تامان کیتیشی گه سبب بوله‌دی.
مذکور ییغین نی یولگه قویگن‌لردن بیری عزت‌الله توحیدی نینگ سلام‌وطندارگه ایتیشیچه، ناتوغری عُرف و عادت‌لرنینگ آلدینی آلیش و توی مراسمی کوپینچه خره‌جت کوتارمسلیگی اوچون، قیزلر نینگ مهریه‌سی ۲۵۰ افغانی تعیین قیلینگن.
جناب توحیدی گه کوره، فرخار تومنی نینگ دین عالم‌لری و قوم بویوک‌لری اوشبو مسوولیت نی عمل گه آشیریش گه مسئول دیر و جاری ییل حوت آیی نینگ اداغیگه قدر اوشبو برنامه فرخار نینگ بوتون قیشلاقلریده عمل گه آشیریلیشی ممکن.
اوشبو برنامه‌نی اوتکزگن کیشیلرنینگ ایتیش‌لریچه، اوشبو قرار فیسبوک آرقه‌لی کتبی شکلده تخار ولایتی نینگ بوتون تومن‌لریگه یوباریله‌دی.
تخار دادخواه‌لیک کمیته‌سی باشلیغی و مدنی فعال معراج الدین شریفی، اوشبو قرار نی خوش قرشی‌لب و مدنی نهادلردن، اوشبو قرارنی مدنی ییغینلر بیلن بوتون تخار یشاوچی‌لریگه ییتیشتیریش‌لرینی سوره‌گن.
جناب شریفی گه کوره، مهریه آزه‌یگنی و توی مراسم‌لریده خرجت کمه‌یتیریلیشی، بوتون خلق نینگ منفعتی گه دیر.
مملکت شمال-شرقیده‌گی تخار ولایتی نینگ کوپینچه ییگیت‌لری ایران و ترکیه اولکه‌لریده ایش قیلماقده‌لر و کوپینچه ییگیت‌لر مهریه نی توله‌ش و توی خرجتی نی تاپیش اوچون مهاجر بوله‌دیلر.
