پکتیا سوو و انرژی ریاستیده مسئوللرنینگ ایتیشلریچه، قوشمه بیر کمیته توزهتیب، ایکینچیلیک ییرلرینی سووغاریش اوچون دهقانلرنینگ قطرهای سووغاریش تیزیمیدن فایدهلنیشگه تشویش قیلگنلر. اولرگه کوره، قطرهای سووغاریش تیزیمی، سوونینگ حددن تشقری صرفلنیشی آلدی آلینیشیگه علاوه، اقلیم اوزگریشلری تاثیرلرینینگ کمهیشیگه هم سبب بولهدی.
پکتیا سوو و انرژی ریاستی باشلیغی محمدکریم فاتحنینگ سلاموطندار گه ایتیشیچه، حاضرگچه بو تیزیم مذکور ولایت مرکزی گردیز، زرمت و روحانی بابا تومنلریده اوچ-تورت مینگ جریب ایکینچیلیک ییرده عملگه آشیریلگن.
جناب فاتحنینگ کوپهیتیریشیچه، بو تیزیمنینگ عملگه آشیریلیشی اوچون مخصوص بودجه نظرگه آلینمهی و حاضرگچه برچه خرهجت دهقانلر تامانیدن توللنگن؛ بیراق اونینگ مکمل شکلده عملگه آشیریلیشی بیلن ییر آستی سوولر سطحی قیته کوپهیب و سوو ذخیرهلرینینگ سقلهنیشی ممکن. «الحمدالله، بو ییل وزیرلیک رسمیلری بویروغی اساسیده پمیدار، پیاز و باشقه کوپ سوو نیاز بولگن محصوللر اوچون زمانهوی و خلقارا بیر تیزیم بولگن قطرهای سووغاریش تیزیمینینگ ایکینچیلر و اجارهدارلر اختیاریگه قرار بیردیک. بو تیزیم حاضرگچه اوچ-تورت مینگ ییرده عملگه آشیریلگن.»
باشقه بیرتاماندن، ایکینچیلیک ایش بیلرمانلرنینگ ایتیشلریچه، سونگی ییللرده اقلیم اوزگریشلری ایکینچیلیک بولیمیگه کوپ سلبی تاثیر قویگن و دهقانلر ییرلرینینگ سووغاریش اوچون ییترلی سوو امکانیتیدن فایدهلنه آلمهگنلر که بو مسئله، محصوللری کمهیشیگه سبب بولگن. ایکینچیلیک ایش بیلرمانی عزیزالله کریمی، ایکینچیلیککه زیان ییتیشگنی یانیده ییلاولرنینگ اورتهدن کیتگنی و نتیجهده، چاورهچیلرنینگ جدی قیینچیلیک بیلن روپهره بولگنلرینی بیلن قیلگن. شونینگدیک او، قطرهای سووغاریش تیزیمینی ییرلر سووغاریلیشی اوچون فایدهلی دیب و ایتیشیچه، بو اصول سوو مصرفینینگ ۵۰-۷۰ فایز سقله آلهدی.
کریمینینگ کوپهیتیریشیچه: «قطرهای سووغاریش تیزیمینینگ کوپ فایدهسی بار؛ محلی و سنتی تیزیملرگه نسبت سوو مصرفینی ۵۰-۷۰ فایز کمهیتیرهدی. شونینگدیک توپراققه فایدهلی بولیب و محصوللرنی کوپهیتیرهدی. بونگه علاوه، قطرهای سووغاریش تیزیمی کنترول بوله آلهدی و کوپینچه بشری کوچ ایستمهیدی. یاوای و اوسیملیک آفتلرینینگ کنترول بولیشی اوچون فایدهلی دیر.»
شوندهی بیرحالده، سونگی قوروقچیلیکلردن زیان کورگن دهقانلر، قطرهای سووغاریش تیزیمی فعاللنیشیدن خورسندلیک قیلگنلر. پکتیا ولایتی زرمت تومنی «نورخیل» قیشلاغی یشاوچیسی بولمیش کابل خان، بو ییل ۱۲ جریب ییریگه ترووز ایکیب و قطرهای تیزیمی بیلن ییرلرینینگ سووغاریشینی بیان قیلگن.
اونینگ ایتیشیچه، بوندن آلدین محصوللرینینگ اریقلر سووی بیلن سووغارر ایکن که سوودن کوپینچهسی بیجا صرفلهنیب و محصوللریگه ییترلی شکلده سوو هم ییتیشمس ایکن. «بو تیزیم اونچهلیک سوو ایستمهیدی. حاضر قوروقچیلیک دیر، بیراق بو تیزیم جودهیم یخشی. بیران کیشی ۲۰، ۳۰ و حتا ۵۰ جریب ییریگه نرسه ایکسه هم، سوو مصرفی جودهیم آز بولهدی. حاضر قوروقچیلیک و ییر آستی سوولر سطحی هم پس توشگن و اوتگن ایکی ییلگه قرهگنده کوپ فرق کیلگن. قودوقلرگه قرهگنیمیزده بیلهمیز که یاغینگرچیلیک کملیگی اوچون سوو سطحی پس کیتهدی.»
اوشبو قیشلاقدهگی دهقانلردن باشقه بیری صفتالله هم، ییرلرینینگ سووغاریلیشی اوچون زمانهوی تیزیمدن فایدهلنیب و بو ییل ایکینچیلیک محصوللریگه نسبت خوشبین دیر. اونینگ ایتیشیچه، قطرهای تیزیمی سوونی توغری شکلده اوسیملیک ریشهسیگه ییتیشتیرهدی و ییرنینگ باشقه بولیملری قورق قالهدی که انه شوو سبب، یاوان اوسیملیکلر چیقمهی و محصولنینگ یخشی رشد قیلیشیگه یاردم بیرهدی.
اونگه کوره: «برچه دهقانلردن سوودن آزراق فایدهلنیشلرینی ایستهیمن، چونکه سوو جودهیم اهمیتلی دیر. سوو سطحی پس توشگنیده تینگریدن باشقه هیچ کیم اونی قیته کوپهیتیره آلمهیدی. انه شوو اوچون دهقانلر لوبیا بولسین، پمیدار بولسین یا-ده هر بولسه بولسین قطرهای سووغاریش تیزیمیدن فایدهلنسینلر.»
دهقانلرنینگ ایشانچیگه کوره، قطرهای سووغاریش تیزیمی نهفقط محصوللر کوپهیشیگه سبب بولهدی، بلکیم اقتصادی نقطهی نظریدن هم هر بیر دهقانگه عملگه آشیریلیشی ممکن و فایدهلی دیر. اولر سونگی اقلیم اوزگریشلریگه توجه قرهتیلیشی بیلن، مملکت بویلب سوونینگ حددن تشقری فایدهلنیشی آلدی آلینیشی اوچون بو کبی روشلردن فایدهلنیش زمینهسی و بو توغریده دهقانلرگه ییترلی آسایشتهلیکلر یرهتیلیشینی ایستهگنلر.
