اسلام امیرلیگی سودا و صناعت وزیرلیگینینگ ایتیشیچه، چیننینگ موترسازلیک «دونگفنگ ادی موتورز» کمپنیهسی، افغانستان ده ۵۰ میلیون دالرلیک سرمایه یاتقیزیش گه تیارگرلیگینی معلوم قیلگن. اوشبو سرمایه یاتقیزیلیش تورت فاز و اوچ یریم ییلده عملگه آشیریلیشی ممکن.
سودا و صناعت وزیرلیگی اورینباسری احمدالله زاهد بیلن مذکور کمپنیه نمایندهسی اوچرهشووی توغریسیده ترقهتیلگن بیانیهده کیلیشیچه، اوشبو لایحهنینگ عملگه آشیریلیشی بیلن ییلده افغانستان ده ایکی مینگ موترنینگ ایشلب چیقریلیش امکانیتی یرهتیلیشی ممکن. شونینگدیک مستقیم شکلده ۵۰۰ دن ۷۰۰ کیشیگه ایش زمینهسی یرهتیلهدی.
بیزلرنینگ فیسبوک صحیفهمیزگه باش اورینگ!
دونگفنگ کمپنیهسی نمایندهسینینگ کوپهیتیریشیچه، اوشبو کارخانه آرقهلی یوک تاشووچی، امبولانس، بس و تیزرفتار موترلر تولید بولیب و موترلرنینگ افغانستانلیک مشتریلرگه قسطلی شکلده هم بیریلیشی ممکن.
سودا و صناعت وزیرلیگی اورینباسری، مذکور سرمایه یاتقیزیلیشنی خوش قرشیلب و ایتیشیچه، افغانستان سرمایه یاتقیزیلیش اوچون تینچ و فایدهلی بیر جای دیر.
بیزلرنینگ «ایکس» ترماغی ده هم تعقیب قیلینگ!
چین اوتگن اوچ ییلده، سرپرست حکومت بیلن یخشی اقتصادی علاقه قوریب و چین کمپنیهلری افغانستان ده کانلر و انرژی بولیمیده سرمایه یاتقیزگنلر.
