افغانی پول برابریده دالر نرخی آشیشی بیلن بیرگه، افغانستان مرکزی بانکی‌ده مسئوللر‌نینگ ایتیشلریچه، اوشبو بانک تشقی پوللر برابریده افغانی پول ارزشی‌نی سقلش‌گه متعهد بولیب و افغانستان پول بازاریده اوزگریشلر آلدینی آله‌دی.
افغانستان مرکزی بانک سوزلاوچیسی حسیب‌الله نوری‌نینگ سلام‌وطندار گه ایتیشیچه، اوشبو بانک مملکت‌نینگ مالی نهاد‌لری و پول بازارلری نیازینی تامین‌لش اوچون ییترلی امکانیت‌لر گه ایگه دیر.
اونینگ کوپه‌یتیریشیچه: «مرکزی بانک افغانی پول ارزشی‌نی سقلش‌گه متعهد دیر و اوزگریشلر اورته‌گه کیلیشی‌‌گه رخصت بیرمه‌یدی. مرکزی بانکی اختیاری‌گه ییترلیچه پول منبع‌لریگه ایگه دیر که نیاز بولگنی پیتده، پول بازاری نیازلرینی تامین قیلسه. افغانی پول ارزشی‌نی سقلش اوچون ترقیات‌گه ایگه بولیش اوچون سعی‌وحرکت قیله‌میز که جدی اوزگریشلر اورته‌گه کیلمه‌سین. نیاز بولگنی صورت‌ده مالی نهاد‌لر و پول بازارلری‌نینگ پولی معقول سیاست‌لری‌نی نظر گه آلیش بیلن، پول نیازلرینی تامین‌لش اوچون ییترلی امکانیت‌گه ایگه‌میز.»
بیزلرنینگ «ایکس» ترماغی ده هم تعقیب قیلینگ!
افغانستان مرکزی بانکی‌نینگ معلوماتی اساسیده، بوگون پول بازاریده بیر دالر ۷۳.۹۹ افغانی گه ساتیله‌دی. شوندهی بیرحالده، کابل شهری‌ده‌گی یشاوچیلر و دکان‌دارلردن قطاری شهر بازارلریده آزیق-آوقت محصولاتی قیمتی کوپه‌یگنی‌دن شکایت قیلیب و ایتیشلریچه، افغانی برابریده دالر نرخی آشیشی سبب آزیق-آوقت محصولاتی قیمتی هم یوقاری کیتگن.
بو توغریده کابل شهری تورتینچی ناحیه یشاوچیسی محمد‌یوسف‌نینگ ایتیشیچه: «حکومت شهر‌ده نرخ‌لرنی بیللی قیلیشی کیره‌ک و بو ییرگه نرسه ساتیب آلیش اوچون کیلگن‌میز و دالر یوقاری کیتگن دیه‌دیلر. دالر کمه‌یگنی صورت‌ده، قچان نرسه‌لرنی ارزان قیله‌دیلر؟»
شونینگدیک بو توغریسیده کابل شهری تهیه‌ی مسکن منطقه‌سیده‌گی دکان‌دارلردن بریالی‌‌نینگ ایتیشیچه: «افغانی برابریده دالر قیمتی یوقاری کیتیشی‌نینگ کوپینچه تاثیری بار، مثلا بیر بوجی چای ۱۲۸۰ افغانی ایدی و حاضر ایسه ۱۳۷۰ افغانی بولگن. کیچیک سویوق ساغ قیمتی‌گه ۳۰ افغانی فرق کیلگن و شونینگدیک برنج ده هم ۱۰۰ افغانی فرق کیلگن.»
عین حالده، کابل بلدیه‌سی مسئوللری‌نینگ ایتیشلریچه، اوشبو اداره دکان‌دارلر گه هفته‌لیک نرخ‌نامه‌نی ترقه‌تگن و کیله‌سی هفته‌گه دالر نرخی ثابت قالگنی صورت‌ده، ینگی نرخ‌نامه تیارلب و ترقه‌تیشلری ممکن.
کابل بلدیه‌سی سوزلاوچیسی نعمت‌الله بارکزی‌نینگ ایتیشیچه: «کابل-بلدیه‌سی ایکی-اوچ ییل بوله‌دی که نرخ‌نامه ترقه‌ته‌دی و نرخ‌نامه‌میز بیر هفته‌لیک دیر و کیله‌سی هفته‌گه دالر انه شوو قیمت‌ده قالسه، قیمت‌لرگه تغییر کیلمه‌یدی. آزیق-آوقت نرخ‌لری‌ده تغییر کیلیشی فکتورلریدن بیری دالرگه تغییر کیلیش دیر.»
شوندهی بیرحالده، اقتصادی مسئله‌لر بیلرمانلریدن قطاری‌نینگ ایتیشلریچه، خلق‌ارا سیاسی قرارلر تیزلیکده و مستقیم شکلده افغانستان بازارلری‌گه تاثیر قوییشی ممکن.
بیزلرنینگ فیسبوک صحیفه‌میزگه باش اورینگ!
بو توغریده اقتصادی مسئله‌لر بیلرمانلریدن شاکر یعقوبی‌نینگ ایتیشیچه: «دالر برابریده افغانی ارزشی کمه‌یشی‌نینگ نیچه عاملی بار؛ بیرته‌سی خلق‌ارا سیاسی قرارلر دیر؛ افغانستان گه امریکا یاردم‌لری توخته‌تیلیشی حقیده دونالد ترامپ‌نینگ سونگی بیاناتی بازار گه تیزلیکده تاثیر قیلیشی ممکن. مملکت بازاریده تشقی پول کیلیشی خصوصیده بیر قطار خواطرنی اورته‌گه کیلتیرگن که، دالر اوچون ایسته‌کلر کوپه‌یشی گه سبب بولگن. ایکینچی عامل ایسه بازارده پول کم‌لیگی بوله آله‌دی. اوچینچی ایسه تجارتی خواطرلر بیان بوله آله‌دی؛ مملکت‌گه تشقی توارلرنی کیلتیره‌دیگنلر کوپراق دالر گه نیازلری بار و بو کمه‌یش سوداگرلر گه تاثیر قیله آله‌دی و سلبی تاثیر قوییشی ممکن.»
اقتصادی مسئله‌لر بیلرمانلریدن باشقه بیری تاج‌محمد تلاش‌نینگ ایتیشیچه، افغانی برابریده دالر نرخی آشیشی آلدی آلینیشی اوچون مرکزی بانک‌نینگ پول ذخیره‌لری یخشی بیر شکلده مدیریت بولیشی کیره‌ک. «دالر‌نینگ قاچاق بولمه‌سین؛ آلتین قاچاق بولمه‌سین؛ سالیق بیللی بیر شکلده توپلنسین؛ افغانستان مرکزی بانکی ذخیره‌لری تنظیم بوللسین. تشقی پوللر گه تیگیشلی بو تورت عامل اساسی دیر که دالر برابریده مستقیم تاثیری بار.»
ایتیش کیره‌ک که، افغانستان مرکزی بانکی مملکت بازارلریده افغانی پول نرخینی ثابت سقلش مقصدیده، یک‌شنبه کونی ۱۶ میلیون دالرنی بیر داوطلب‌لیک آرقه‌لی لیلام قیلگن.
