ایران جمهور باشلیغی مسعود پزشکیان، فرانسه جمهور باشلیغی امانوئل مکرون بیلن تلفونی علاقه ده، ایران باسیم‌لر گه قرشی هېچ قچان جیم تورمسلیگی حقیده آگاه‌لنتیرگن.
ایران یېتکرمه‌لری، ۱۷-اسد، چهارشنبه کونی اوشبو مملکت جمهور باشلیغی نینگ فرانسه دولت رهبری بیلن تلفونی گپیرگنیدن خبر بیرگنلر.
بیزلرنینگ فیسبوک صحیفه‌میزگه باش اورینگ!
مسعود پزشکیان اوشبو تلفونی علاقه ده، امانوئل مکرون گه تهران ده اسماعیل هنیه ترور اېتیلگنیدن سۉنگ بو مملکت باسیم‌لر گه قرشی هېچ قچان جیم تورمسلیگینی بیلدیرگن.
پزشکیان اوشبو تلفونی علاقه ده، امریکا و غرب دولت‌لری منطقه ده کېسکین‌لیکنی کمه‌یتیریش و غزه ده آتیش کېسین برقرار اېتیلیش طرفداری بولگن حالده، اسرائیل گه باسیم کېلتیریشینی اېسته‌گن.
شونینگدیک، اوشبو اوچره‌شووده فرانسه جمهور باشلیغی، تهران منطقه ده‌گی کېسکین‌لیک‌لرگه توسیق بولیب و قصاص آلیش حرکت‌لری گه چېک قوییشینی سۉره‌گن.
بیزلرنینگ «ایکس» ترماغی ده هم تعقیب قیلینگ!
اسماعیل هنیه ایران پایتختی تهران ده ترور اېتیلیشی بیلن اۉرته شرق ده کېسکین‌لیک‌لر اوج آلگچ، ایران دولت رهبری مسعود پزشکیان، بو مملکت باسیم‌لر گه جیم تورمسلیگی حقیده آگاه‌لنتیرگن.
حماس نینگ سیاسی اداره باشلیغی اسماعیل هنیه، اۉتگن هفته ایران جمهور باشلیغی مسعود پزشکیان نینگ آنت ایچیش مراسمیده اشتراک اېتیشیدن سۉنگ، اوشبو مملکت ده نشانگه آلینیب اولدیریلدی.
