شفاکارلردن قطارینینگ ایتیشلریچه، کروموزوم بوزیلیشی جنین توشیشیگه سبب بولهدیگن اینگ مهم عامللردن بیری بولیب و بو مسئله، حاملهدار عیاللر اوچون یاشیرین خوف حسابلنهدی.
اولرنینگ کوپهیتیریشلریچه، جنین توشیشی، تورلی عامللر طفیلی اورته گه کیلهدیگن حالتلردن بولیب، اونگه کروموزوم بوزیلیشی، ارثی کسللیکلر، آنهنینگ جسمانی سلامتلیگی بیلن باغلیق کمچیلیکلر، ساغلیقنی سقلش مرکزلر یاپیقلیگی، کمبغللیک، بیرینچی حاملهدارلیک و عیاللرنینگ حاملهدارلیک دورهسیده شفاکار گه بارمسلیگی، سبب بولیشی ممکن.
اولرنینگ آگاهلنتیریب و ایتیشلریچه، بو عامللردن قطاری نهفقط آنه حیاتینی خوف آستیگه قویهدی؛ بلکیم چقهلاقلر کیلهجگیگه هم سلبی تاثیرلر قویهدی. کابل ده نسایی ولادی متخصصی نسیمه حبیبینینگ گه ایتیشیچه، کروموزوم قیینچیلیکلری، بچهدان و مثانهنینگ مکروبی بولیشی، قان کملیگی و نامناسب آوقتلنیش جنین توشیشی اصلی عامللریدن دیر. «کروموزوم بوزیلیشی، جنین توشیشی اینگ مهم عامللردن دیر. مکروبی بولیشلر یانیده، حاملهدارلیک دورهسیده روبیلا، قان کملیگی، ناتوغری آوقتلنیش و حتا مستقیم و نامستقیم ترومالر کبی ویروسلر جنین توشیشیگه سبب بوله آلهدی.»
شونینگدیک نسایی ولادی شفاکارلردن سونیتا بهرامنینگ ایتیشیچه، معاینهخانهسیگه بارهدیگنلر سانیگه قرهگنده، حاملهدار هر ۱۰ عیالدن ۴-۵ تهسی قان مکروبی و عفونتلر بیلن روپهره دیر که بو عامللر، جنین توشیشیگه سبب بولهدی. «مراجعت قیلهدیگنلر گه قرهگنده حاملهدار هر ۱۰ عیالدن ۴-۵ تهسی قان میکروبی بولیشی یا-ده قان ویروسلری بیلن روپهره دیر که بو قیینچیلیکلر طفیلی آنهلردن قطاری جنین توشیشینی تجربه قیلهدی.»
شونینگدیک نسایی ولادی متخصصلریدن عاطفه بارکزینینگ ایتیشیچه، اصلی عامللرگه علاوه، روحی و اجتماعی باسیملر هم کسللیکدن کوپراق عیاللرنی جبرلنتیریشی ممکن. «بیر عیالنینگ چقهلاغی توشگنیده، حمایت بولیش اورنیده عایلهسی آرقهلی گپ ایشیتهدی که بو مسئله اونینگ افسرده بولیشینی کوپهیتیرهدی و حتا باشقه چقهلاقلری توشیشی یا-ده بیپشتلیگیگه سبب بولهدی. عیاللر جنین توشگنیدن کیین اضطراب دارولر و عاطفی قوللب-قوتلنیشگه نیازی بار.»
شوندهی بیرحالده، جنین توشیشینی تورت مرته تجربه قیلگن ۴۵ یاشر شفیقه زاهدینینگ ایتیشیچه: «چقهلاقلریم ییتی و سکیز آیلیگیده توشهدی. هر مرته چقهلاغیم توشگنیدن کیین روحیهم بوزیلهدی. شفاکار گه بارگنیمده قانینینگ میکروبی بولگن دیدی؛ لیکن دوالنیشدن کیین بالهم بولدی.»
کابل یشاوچیسی و توی قیلگنیدن ۱۲ ییل بولیب و بو مدتده تورت مرته جنین توشیشینی تجربه قیلگن ۳۳ یاشر مرضیهنینگ ایتیشیچه: «جنین رشدی اوچون شفاکار بیلن مصلحت قیلیب چقهلاغیمنی توشیردیم. چقهلاقلریمنی قولدن بیریشدن کیین روحی وضعیتیم یامان بولهدی. دایم ییغلهیمن. قیغولنهمن.»
شونینگدیک اوچ مرته جنین توشیریشنی تجربه قیلگن طیبه، بو وضعیت اصلی سببینی اقتصادی، روحی و عایلهوی توی قیلیش قیینچیلیکلری بیلهدی. «اصلی قیینچیلیگیم عایلهوی توی قیلیش ایدی و شفاکار هم ژنتیکی قیینچیلیک بوله آلهدی دیدی. شونینگدیک بیرینچی مرته چقهلاغیم توشگنیده عایلهم هم مینگه قرهمهدی و حتا قین آنهم باله دنیا گه کیلتیرمسلیک اوچون بو رقم ایستهدینگ دیب، جنجال قیلدی.»
بونگه علاوه، روانشناسلر هم جنین توشیریلیشینینگ روحی عاقبتلرینی جدی عنوان قیلهدیلر. روانشناسلردن زهرا حسینینینگ ایتیشیچه، جنین توشیریلیشینی تجربه قیلگن عیاللر، کوپراق افسردهلیک و اضطراب بیلن روپهره بولهدیلر. «چقهلاغی توشگن بیر عیال، شوک، غضبلنیش، جنجل قیلیش، افسردهلیک و قبول قیلیش مرحلهسینی اوتکزهدی. بو وضعیتده تورموش اورتاقلری همدردلیک قیلیشی کیرهک. همدردلیک بولمهی و عایلهسی آرقهلی توجهسیزلیک بولگنیده، بو حالت جدی افسرده بولیش و حتا اوزینی اولدیریشیگه سبب بوله آلهدی.»
شونینگدیک روانشناسلردن باشقه بیری سید روحالله رضوانیگه کوره: «جنین توشیشنی تجربه قیلگن عیاللردن برچهسی، باشده قیین بیر وضعیتنی کیچیرهدی. جنین توشیشی سببی هر نرسه بولسهده، ینه هم روحی عاقبتلری بولهدی. بعضا ایسه افسردهلیککه هم سبب بولهدی.»
شوندهی بیرحالده، دین عالملردن قطارینینگ ایتیشلریچه، جنین تورت آیلیکنی تولدیرمهی و آنه حیاتینی خوف بیلن روپهره بولگنیده، جنین توشیریلیشی جایز دیر. دین عالملردن عبدالاحد عتیدنینگ ایتیشیچه: «جنین تورت یا-ده تورت آیلیگینی تولدیرمهی و قان یا-ده گوشت توتهسی حالتیده بولسه و آنه حیاتی خوف بیلن روپهره بولگنی صورتده، عالملر فتوا بیرگن که بو حالتده جنین توشیریلیشی جایز دیر، لیکن تورت آیلیکدن اوتیب و اونگه روح سالینگن بولسه، جایز ایمس.»
شفاکارلرنینگ ایشانچیگه کوره، جنین توشیشی یالغیز طبی موضوعلر ایمس، بلکیم تورلیخیل اجتماعی، فرهنگی، اقتصادی و روحی عامللر هم بو مسئلهگه تاثیر قویهدی. عایلهلرنینگ توجهسیزلیگی و سنتی قرهشلر طفیلی روحی باسیملر، جنین توشیشینینگ عیاللر اوچون جدی روحی قیینچیلیکلرگه سبب بولگن.
