کانلر و پترولیم وزیرلیگی سرپرستی هدایت‌الله بدری، ۷-سنبله، چهارشنبه کونی تشقی ایشلر، مالیه، فواید عامه وزیرلیک‌لری همده برشنا شرکتی وکیل‌لریدن عبارت بیر هیئت یېتکچیلیگیده، تورکمنستان نینگ رسمی تکلیفی اساسیده بو مملکت پایتختی عشق‌آباد گه یېتیب بارگن.
مذکور وزیرلیک سۉزلاوچیسی همایون افغان گه کوره، اسلام امیرلیگی هیئتی تورکمنستان رسمی‌لری بیلن ایکّی تامانلمه مناسبت، کان، تیمیر یول و افغانستان توپراغیده تاپی لایحه‌سی عملی ایشی باشلنیش مسئله‌سینی بحث گه آلیشی ممکن.
اونینگ کوپه‌یتیریشیچه: «بو هیئت تورکمنستان مسئوللری بیلن تاپی، تاپ، تیمیر یول لایحه‌لری حقیده بحث اېتیشی ممکن، شونینگدیک تورکمنستان رسمی‌لری بیلن یقینده افغانستان توپراغیده تاپی لایحه‌سی عملی ایشی باشلنیش مسئله‌سینی بحث آلیشی کوتیله‌دی.»
بیزلرنینگ فیسبوک صحیفه‌میزگه باش اورینگ!
اقتصادی ایش بیلرمان‌لردن بیرقطاری، تورکمنستان نی افغانستان نینگ استراتیژیک شریک‌لریدن دیب، بو مملکت بیلن مناسبت مستحکم‌لنگن حالده، باشقه اولکه‌لر افغانستانده سرمایه یاتقیزیش و اقتصادی همده سیاسی مناسبت‌لرنی کېنگه‌یتیریش گه علاقه کورسه‌تیش‌لری گه سبب بوله‌دی.
اقتصادی ایش بیلرمان امیدالله قاسم‌زی گه کوره، تاپی لایحه‌سی و تیمیر یولی ایشی باشلنیشی افغانستان نینگ اقتصادی اوچون اونملی دیر.
اونینگ ایشانچی گه کوره: «تیمیر یول لایحه‌سی ایشی باشلنگن حالده اۉرته آسیا بیلن افغانستان نینگ سوداگرلیک مناسبتی مستحکم‌لنه‌دی و بونگه قۉشیمچه کوپ اقتصادی فایده‌سی بار و منطقه‌وی همکارلیک‌لر گه سبب بولیشی ممکن.»
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان‌لردن باشقه بیری ظهور مدبر نینگ ایتیشیچه، افغانستانده تاپی لایحه‌سی ایشی باشلنگن حالده، ترانزیت حقی گه قۉشیمچه مینگلب کیشی ایش بیلن تأمینلنه‌دی.
اونگه کوره: «تاپی لایحه‌سی افغانستان، تورکمنستان و پاکستاندن اوتیب و هندوستان گه آلیب باریله‌دی؛ افغانستان اوندن فایده‌لنه‌دی. افغانستان گازنی انتقال بیریشدن ترانزیت حقی آله‌دی. هر ییلی قریب ۴۰۰ میلیون دالر اختصاص بیریلگن، شرطنامه‌لری اساسیده مینگلب کیشی ایش بیلن تأمینلنه‌دی.»
باشقه تاماندن، اسلام امیرلیگی باش وزیری نینگ اقتصادی اورین باسری عبدالغنی برادر «ترمذ خلق‌ارا سودا مرکزی» آچیلیش مراسمی گه اشتراک اېتیش اوچون اۉزبېکستان گه سفر قیلیب و آذربایجان باش وزیری نینگ اورین باسری بیلن اوچره‌شگن.
اسلام امیرلیگی باش وزیری نینگ اقتصادی اورین باسرلیگی ۱۴۰۳-ییل، ۸-سنبله، ایکس صحیفه‌سیده بیر بیانیه ترقه‌تیب، عبدالغنی برادر اوشبو اوچره‌شووده آذربایجان و مذکور مملکت نینگ خصوصی سکتوریدن، افغانستانده تورلی ساحه‌لرده کېلیب سرمایه یاتقیزیش‌لرینی سۉره‌گن.
اسلام امیرلیگی باش وزیری نینگ اقتصادی اورین باسرلیگی آذربایجان باش وزیری نینگ اورین باسریدن نقل قیلیب یازیشیچه، باکو افغانستان و منطقه مملکت‌لر بیلن سوداگرلیک مناسبتینی کېنگه‌یتیریش و «لاجورد یولی»نی قیته فعال قیلیش گه تیار دیر.
آذربایجان باش وزیری نینگ اورین باسری، مملکتی افغانستان بیلن سودا مناسبت‌لرینی آشیریب و افغانستانده صناعتی کارخانه‌لر قوریش اوچون سرمایه یاتقیزیش گه قیزیقیشینی بیلدیرگن.
