گرینلندنینگ حتا زور بیلن قولگه کیلتیریش توغریسیده امریکا جمهور باشلیغی دونالد ترامپنینگ ینه بیر مرته تهدید قیلگنیدن سونگ، دانمارک باشوزیری مت فریدریکسن گه کوره، مملکتی گرینلندنینگ کیلهجگی بارهسیده «مهم بیر لحظه» آلدیده قرار تاپگن.
فریدریکسن، دانمارکنینگ حتا شمالی قطبده اوز ارزشلریدن دفاع قیلیشگه تیارلیگینی بیلدیریب، گرینلند اهالیسی کیلهجگینی بیلگیلش حقی و خلقارا حقوقینی رعایت قیلیشگه تاکید قیلگن.
شونینگدیک جرمنی و سویدن، دانمارکنی حمایت قیلیب و آگاهلنتیریشیچه، امریکا آرقهلی گرینلندنینگ قولگه کیلتیریشی خلقارا قانون-قاعدهنی بوزیش حسابلهنیب و بو کبی اقداملرگه باشقه مملکتلرنینگ تشویق قیلیشی ممکن.
دونالد ترامپنینگ ایتیشیچه، شمالی قطبده روسیه و چیننینگ حربی فعالیتی کوپهیشیگه توجه قیلیش بیلن، گرینلند نظارتی امریکانینگ ملی خوفسیزلیگی اوچون مهم دیر.
