پکتیا، تاغلرینینگ اکثریتی اورمانلر بیلن قاپلگن ولایتلردن بیری دیر. بو ولایت تاغلرینینگ کوپ قسمی طبیعی درختلر بیلن قاپلنگن؛ لیکن هوا اوزگریشلری و قیشده هوانینگ جدی شکلده ساووق بولیشی، سونگی ییللرده اورمان درختلریدن قطارینینگ زیان کوریشی و جلغوزه حاصلاتی کمهیشیگه سبب بولگن. جلغوزه، محلی عایلهلردن قطاری اوچون ییلده اینگ اونملی درآمد منبعلریدن بیری حسابلنهدی.
پکتیا ولایتی آریوب زازی تومنی یشاوچیلریدن انور صدیقینینگ ایتیشیچه، سونگی ایکی ییل جریانیده جلغوزه درختلریدن کوپ قطاری قوریب و اونینگ حاصلی کمهیگن. «اورمانلرن کوپ قطاری اقلیم اوزگریشلری سبب زیان کورگن. بوندن آلدین میوهسی بولیب و حاصلی بار ایدی؛ لیکن حاضر ایسه میوه بیرمهیدی. جلغوزه درختلریدن کوپ قطاری قوریب و کوپ زیان کورگن.»
بیزلرنینگ فیسبوک صحیفهمیزگه باش اورینگ!
شونینگدیک پکتیا یشاوچیلریدن باشقه بیری حنان زازینینگ ایتیشیچه، سونگی ییللرده اهالی اورمانلر فایدهسینی بیلیب و اونینگ سقلهنیشی اوچون اوز آرهلریده بیر قطار کیلیشوولرنی عملگه آشیرگنلر. اونگه کوره، اورمان دن منطقهدهگی هر بیر عایلهگه جلغوزه درآمدیدن بیللی بیر مقدار ییتیشهدی که ییللیک خرهجتلریدن کوپینچهسینی تامینلهیدیلر. «اورمانلرنی سقلش اوچون آریوب زازی تومنیده قوملر آرهسیده کیلیشوو بار. هیچ کیم اورماننی کیسه آلمهیدی. مذکور قیشلاقلر و قوملر اوزلری اوشبو درختلرنی سقلهیدیلر.»
ایش بیلرمانلرنینگ ایتیشلریچه، پکتیا اورمانلری سونگی ییللر جریانیده هوا اوزگریشلری سبب زیان کورگن. اولرنینگ کوپهیتیریشلریچه، یاغینگرچیلیکلر کمهیشی اوشبو ولایتده جلغوزه درختلرینینگ زیان کوریشی اصلی عامللریدن دیر.
پکتیا بیلیم یورتی طبیعی اورمانلر بولیمی استادی اسماعیل لاروینینگ ایتیشیچه، مملکت جنوبشرقیدهگی اورمانلر، منطقه هوا اوزگریشلری و هندوستان دریاسینینگ هوا تیزیملری تاثیری آستیده قرار تاپگن. اونینگ اورغولشیچه، اورماننی مدیریت قیلیش و قیته تیکلش منظم برنامهلری عملگه آشیریلگنی صورتده، بوزیلیش جریانینینگ کوچهیشی ممکن. «بو جریاننینگ دوام قیلگنی صورتده، اورتهدن کیتگن اورماننینگ قیته توزهلیشی ممکن. صنعی اورمانکارلیک ایشی اوچون امکانیت یرهتیلگنی صورتده، اونینگ هم ایجابی نتیجهسی بوله آلهدی.»
پکتیا ده اورمانلر بیرلشمهسی مسئوللرینینگ ایتیشلریچه، هوا ساووقلیگی و کوچلی قار یاغیشی، اورمان درختلرینی سیندیریب و اونینگ بیر قطار بولیمینی قوریتگن. پکتیا ده اورمانلر بیرلشمهسی باشلیغی زدران زازینینگ ایتیشیچه، اورمانلر قیته تیکلنیشی و سقلهنیشی اوچون اهالیگه عامه آگاهیلیک برنامهلر عملگه آشیریلیشی کیرهک که اونینگ اساسیده، اهالی اورمان درختلرینی کیسیشگه مجبور بولمهسینلر.
او، حاضرگچه ایکینچیلیک، سووغاریش و چاروهچیلیک ریاستی و باشقه بیر قطار خلقارا نهادلر آرقهلی مینگلرچه کوچت ایکیلگنینی بیان قیلیب و کوپهیتیریشیچه، شونینگدیک اولر هم بعضا اورمانلرده اوروغلر تورلرینی ییغیب، کوچتلر ییتیشتیریلهدیگن محل گه ایکهدیلر که بو رقم کوچت قولگه کیلیب و تاغلرگه انتقال بیریلهدی. «شو رقم کاج بولسه یا-ده صنوبر، اولرنینگ اوروغینی ایکهمیز. اوروغلر کوچت گه اَیلنگنیده، بیر نیچه مدتدن کیین اونی قیته تاغلرگه انتقال بیرهمیز و او ییرگه ایکهمیز.»
بیزلرنینگ «ایکس» ترماغی ده هم تعقیب قیلینگ!
پکتیا ایکینچیلیک، سووغاریش و چاروهچیلیک ریاستیده مسئوللرنینگ ایتیشلریچه، اورمانلرنی سقلش و ایکیش برنامهلری دوام قیلماقده و درختلر کیسیلیشینینگ هم بیراز آلدی آلینگن. پکتیا زراعت باشلیغی سیدامین هاشمینینگ ایتیشیچه، سونگی ییللرده یشیل قطعهلرنی ایجاد قیلیش و عمومی آگاهیلیک بیریلیش سبب، اورمان درختلری کیسیلیشینینگ ۸۰ فایزگچه آلدی آلینگن. «بوندن آلدین اهالی اورمانلرنی کیسهر ایدی؛ بیراق اوتگن ییلده قولگه کیلتیرگنیمیز معلومات و عملگه آشیریلگگن تیکشیریشلر گه توجه قیلیش بیلن، وضعیت قریب ۸۰ فایز کنترول بولیب و اورمانلر کیسیلیشینینگ ۸۰ فایزگچه آلدی آلینگن.»
ایتیش کیرهک که، هوا اوزگریشلری طفیلی زیانلر بیلن بیرگه، پکتیا ده قریب ۹۹ مینگ هکتار ساحهده بولگن جلغوزه اورمانلری، اوشبو ولایتنینگ اطراف-محیط و اقتصادی مهم منبعلریدن بیری حسابلنهدی. ایش بیلرمانلرنینگ ایتیشلریچه، سقلش و قیته تیکلش برنامهسی دوامی، جلغوزهنی نهفقط اهالینینگ درآمد منبعسی صفتیده سقلهیدی، بلکیم اورمانلر بوزیلیشی جریانینی هم کمهیتیرهدی.
