خلقارا ییتکرمهلر، ایراننینگ اسرائیل گه اویوشتیرگن هجوملری نتیجهسیده، ۱۰ کیشینینگ اولگنیدن خبر بیرگن.
الجزیره خبری ترماغینینگ گزارش بیریشیچه، مذکور کیشیلر ایران آرقهلی اسرائیلنینگ تورلی بولیملریگه اویوشتیریلگن هجوملرده اولگنلر.
بیزلرنینگ «ایکس» ترماغی ده هم تعقیب قیلینگ!
گزارشلر اساسیده، ایران اسرائیلنینگ تورلی منطقهلری جملهدن حیفا و تلآویو اطرافینی راکته بیلن نشانگه آلگن.
شونینگدیک اسرائیل حربی رادیوسی، اوتگن کیچه ایراننینگ اویوشتیرگن هجوملری نتیجهسیده، قریب ۱۴۰ کیشینینگ یرهلنگنینی معلوم قیلگن.
اسرائیل ییتکرمهلری هم، اسرائیل پایتختینینگ جنوبی منطقهلریگه راکتهلر توشگنی عاقبتیده، کوپینچه زیانلرگه علاوه شونینگدیک ۳۵ کیشی هم ویرانهلر آستیده قالگن.
اسرائیل ۲۳-جوزا، جمعه کونی ایرتنگ چاغی، ایراننینگ نیچه بولیمیگه هجوملرینی باشلهگن که حاضرگچه، بو توقنشوولرنینگ دوامی بار.
بیزلرنینگ فیسبوک صحیفهمیزگه باش اورینگ!
اسرائیلنینگ اویوشتیرگن هجومی نتیجهسیده، تینچ اهالیگه علاوه ایراننینگ بیر قطار ییریک حربی قوماندانلری و هستهای عالملری اولگن.
اوروشمسلیک و توقنشوولر کوچهیشی آلدی آلینیشی توغریسیده خلقارا ایستهکلر بیلن بیرگه، حاضرگچه ایکی تامان آرهسیده اوروشنینگ دوامی بار.
