اسلام امیرلیگی ساغلیقنی سقلش وزیرلیگی سوزلاوچیسی شرافتزمان امرخیلنینگ اعلام قیلیشیچه، افغانستان شمالیده یوز بیرگن زلزله نتیجهسیده اولگنلر سانی، ۲۷ کیشیگه ییتیشگن.
او، ۱۳-عقرب، سهشنبه کونی بیر بیانیه آرقهلی اکس صحیفهسیده یازیشیچه، یوز بیرگن زلزله نتیجهسیده ۹۵۶ کیشی یرهلنگن.
امرخیلنینگ کوپهیتیریشیچه، سمنگان ده یوز بیرگن زلزلهده ۱۳ کیشی اولیب، ۴۱۸ کیشی یرهلنگن و شونینگدیک بلخ ده یوز بیرگن زلزلهده ۱۲ کیشی اولیب و ۴۳۵ کیشی یرهلنگن.
ساغلیقنی سقلش وزیرلیگی سوزلاوچسیگه کوره، باشقه اولیب و یرهلنگنلر ایسه بغلان، قندوز، سرپل و جوزجان ده ثبت بولگن.
دوشنبه کونی ایرتهلب افغانستان شمالیده ۶.۳ درجه ریشترلیک زلزله یوز بیردی. حادثهلر گه قرشی کورهش ملی ادارهسینینگ معلوماتی اساسیده، مذکور زلزلهده ۵۳۲ دن آرتیق یشش اوی بوزیلگن.
