اسلام امیرلیگی سوزلاوچیسی ذبیحالله مجاهدنینگ ایتیشیچه، اوتگن کیچه کنر، ننگرهار، لغمان و نورستان ولایتلریده یوز بیرگن زلزله نتیجهسیده، ۸۱۲ کیشی اولیب و ایکیمینگ ۸۰۰ کیشی یرهلنگن.
جناب مجاهد، بوگون (۱۰-سنبله، دوشنبه)، حکومتنینگ ییتکرمهلر و اطلاعات مرکزیده اوتکزیلگن ییغیلیشده ایتیشیچه، کنر ده ۸۰۰ کیشی اولیب و باشقه ایکیمینگ ۵۰۰ کیشی یرهلنگن.
اسلام امیرلیگی سوزلاوچیسیگه کوره، ننگرهار ده ۱۲ کیشی اولیب و ۲۵۵ کیشی یرهلنگن. شونینگدیک لغمان ده ۵۸ کیشی و نورستان ده تورت کیشی یرهلنگن.
ذبیحالله مجاهدنینگ کوپهیتیریشیچه، اوتگن کیچه پنجشیر ده یوز بیرگن زلزله نتیجهسیده، بیشته یشش اوی بوزیلگن.
بیزلرنینگ فیسبوک صحیفهمیزگه باش اورینگ!
اونینگ ایتیشیچه، مذکور واقعهده جبرلنگنلرگه یاردم بیریش اوچون ۱۰۰ میلیون افغانی اختصاص بیریلگن.
اسلام امیرلیگی سوزلاوچیسیگه کوره، اوشبو تلفات رقمی دستلبکی تیکشیریشلرگه اساسلهنیب و تلفات رقمینینگ کوپهیش احتمالی بار.
امریکا ییرشناسلیک تشکیلاتی، اوشبو زلزله مرکزینی ننگرهار ولایتی جلالآباد شهری یقینیده و ییرنینگ ۱۰ کیلومتر چقورلیگیده دیب اعلام قیلگن.
زلزله یکشنبهدن دوشنبه گه اوتر کیچه محلی وقت بیلن ساعت ۱۱:۴۷ ده یوز بیرگن.
