دایکندی ولایتی قطار تومن‌لریده چاروه‌چیلر نینگ ایتیشلریچه، اوشبو ولایت ده نامعلوم کسل‌لیک ترقه‌لیشی باعث اونلب سیگیر تلف بولگن.
دایکندی ولایتی سنگ‌تخت‌وبندر تومنی یشاوچیسی همده چاروه‌چی رحمت گه کوره، مذکور تومن ده قریب ۴۰ سیگیر تلف بولگن؛ بیراق حیوان‌لر داکتری اوشبو کسل‌لیکنی حاضرگچه تشخیص قیله آلمه‌گن.
او نینگ کوپه‌یتیریشیچه: «سیگیرلر نامعلوم کسل‌لیککه چلینگن هیچ درمان بولمه‌یدی. کوپ سانده سیگیرلر اوشبو کسل‌لیککه چلینگن. ایاغ‌لریدن آلسه یوریش دن قاله‌دی. درمانلش اوچون دارومیز یوق.» اونگه کوره، حیوان‌لر ۱۰ کون، ایکی آی حتا بیر ییل اوشبو کسل‌لیککه چلینیب و دارو تأثیر قیلمه‌یدی.
بیزلرنینگ فیسبوک صحیفه‌میزگه باش اورینگ!
رحمت گه کوره: «دولتی هیچ حیوان داکتری یوق. بار داکترلر یالغیز دارو بیره‌دی یا که پیچکاری قیلیب ساغه‌لیشنی ایته‌دی.» رحمت نینگ ایتیشیچه، اوشبو تومنده دارو ایکی برابر قیمت بولیب و سیگیرلر تلف بولیشی ممکن.
باشقه تاماندن، (مستعار اسملی) حیوان داکتری حسن، اوشبو کسل‌لیک ترقه‌لیشینی تصدیقلب ایتیشیچه، یالغیز سنگ‌تخت‌وبندر تومنیده بیر مرکز بار، تخمیناً ۶۰ سیگیر تلف بولگن. او نینگ کوپه‌یتیریشیچه، حیوانی اوشبو کسل «برسلوز»، «انتروتوکسیمیا» و «لامنیت» کسل‌لیک دیر؛ بیراق وقتیده دارو_دوالنمسه سیگیرلر نینگ تلف بولیش‌لری ممکن. اونگه کوره، اولر اوشبو موضوع نی ایکینچیلیک ریاستی بیلن شریک قیلگنلر.
اونگه کوره، انتروتوکسیمیا کسللیگی بیلگی‌لری ایسیتمه، اشتهاسیزلیک و اسهال دیر. «چاروه تلف بولگن تقدیرده، قارین و روده‌لری قانلی، کتته تلاق، جگر و شیشی هم بوزیله‌دی، یشاوچیلر انتروتوکسیمیا کسل‌لیگینی کوپراق روده سرخک آتیده تانیب و اوشبو کسل‌لیککه چلینگن ۹۰ فایز بیمار تلف بوله‌دی.»
مذکور شفاکار گه کوره، کوپ سانده سوتلی سیگیرلر، بروسلوز شکلده اوشبو کسل‌لیککه چلینه‌دی.
شو بیلن بیرگه، دایکندی ایکینچیلیک، سوغاریش و چاروه‌چیلیک ریاستی مسئوللری، مذکور ولایت ده نامعلوم کسل‌لیک ترقه‌لیشینی رد قیلیب و شایعه عنوان قیله‌دیلر.
بیزلرنینگ توییترده هم تعقیب قیلینگ!
دایکندی ایکینچیلیک، سوغاریش و چاروه‌چیلیک باشلیغی شیراحمد رفیع نینگ ایتیشیچه: «سنگ‌تخت‌وبندر تومنیده یالغیز بیر واقعه قید ایتیلگن ایدی. سیگیر ایگه‌سی داروخانه دن دارو آلیب کسل و باشقه اوچ سیگیرگه بیرگن و نهایت تورتله سیگیر تلف بولگن. کیین ایسه یشاوچیلر آره‌سیده نامعلوم کسل‌لیک ترقه‌لیش میش_میش‌لری تاپیلگن.»
او نینگ کوپه‌یتیریشیچه، دایکندی ده لمپی اسکین کسللیگی موجود و اوشبو کسل‌لیک لمپی اسکین کسللیگی بولیش احتمالی موجود دیر. «مذکور کسل‌لیککه قرشی ایملش واکسینی چاروه‌چیلر گه توزیع بولگن.»
عین‌حالد، دایکندی یشاوچیلری اینیقسه سنگ‌تخت‌وبندر تومنی یشاوچیلری، چاروه‌چیلری تلف بولیشیدن خواطر بیلدیریب و حکومت دن اوشبو کسل‌لیکنی آلدینی آلیش اوچون اقدام قیلیشینی سوره‌یدیلر.
