دایکندی مرکزی نیلی شهری ده دهقان‌‌لرنی قوللب_قوتلش و ایکینچیلیک محصولات‌لرنی تانیشتیریش مقصدیده، چهارشنبه کونی، ۲ حمل، «گل بادام» فرهنگی_هنری ییتینچی فیستیوالی بولیب اوتگن.
عیاللر نینگ حضورسیزلیگی بیلن بولیب اوتگن مذکور فیستیوال ده قطار فیرمه‌لر نماینده‌لری و دایکندی یشاوچیلری اشتراک ایتگن ایدیلر. شونینگدیک اوشبو فیستیوال ده سپورت، تیاتر، ترانه و محلی اویین‌لر اجرا ایتیلگن.
مذکور فیستیوال، دایکندی معلومات و مدنیت ریاستی تامانیدن یولگه قوییلگندی.
بیزلرنینگ فیسبوک صحیفه‌میزگه باش اورینگ!
دایکندی معلومات و مدنیت باشلیغی سیدمصطفا صالح گه کوره، گل بادام فرهنگی_هنری فیستیوالی، فرهنگی یوتوق‌لرنی تانیشتیریش، بیرلیک و برابرلیک همده ایکینچیلیک اینیقسه بادام محصولاتینی تانیشتیریش مقصدیده یولگه قوییلگن.
اوشبو فیستیوال تیوره‌گیده، ایکینچیلیک محصولات‌لر نینگ کیچیک کورگزمه‌سی نمایش گه قوییلگن ایدی.
سودا اوچون محصولات و ایکینچیلیک اوروغ‌لرینی مذکور فیستیوال ده آلیب کیلگن‌لردن بیری رشید اخلاقی نینگ ایتیشیچه، دولت یشاوچیلرنی دهقانچیلیککه ترغیب قیلیب و اولرنی قوللب_قوتلشی لازم.
عین‌حالده، دایکندی یشاوچیلریدن قطاری، گل بادام فیستیوالی یولگه قوییلیشیدن خورسندلیک قیلیب ایتیشلریچه، اوشبو ولایت نینگ محصولات‌لرینی نمایش گه قوییش اوچون بو گَل کورگزمه‌لر یولگه قوییلیشی مهم دیر.
بیزلرنینگ توییترده هم تعقیب قیلینگ!
گل بادام فرهنگی_هنری فیستیوالی، دایکندی ده بادام گل‌لری آچیلیشی بیلن یولگه قوییله‌دی.
دایکندی یشاوچیلری نینگ ۹۰ فایزی ایکینچیلیک و چاروه‌چیلیک ایشلری بیلن مصروف دیر، بادام اوشبو ولایت یشاوچیلری نینگ اصلی محصولات‌لریدن بیری سنله‌دی.
اوتگن ییل‌لرده، گل بادام فرهنگی_هنری فیستیوالی، خاتین قیزلر شامل مینگلب کیشی نینگ حضوری بیلن یولگه قویلر ایدی. بو ییل اوشبو فیستیوال ده خاتین قیزلر نینگ قول صناعتی و ایکینچیلیک محصولات‌لریدن هیچ خبر یوق.
