دایکندی سنگتختوبندر تومنی یشاوچیلریدن قطارینینگ ایتیشلریچه، برقدن فایدهلنه آلمسلیک، نه فقط اولرنینگ کوندهلیک حیات کیچیریشلرینی قیینلشتیرگن، بلکیم اداری، تعلیمی و کیچیک کسبوکار خذمتلری کورسهتیلیش پروسهسینی هم قیینچیلیک بیلن روپهره قیلگن.
دایکندینینگ سنگتختوبندر تومنیده برق یوقلیگی، اداری ایشلرده یشاوچیلرنینگ یالغیز بیر ورقنی پرنت قیلیش اوچون نیچه کون کوتیب توریشلریگه سبب بولگن.
بیزلرنینگ «ایکس» ترماغی ده هم تعقیب قیلینگ!
اوشبو تومندهگی مکتبلردن بیریده اوقیتووچی بولمیش طلا ایوبینینگ ایتیشیچه، سنگتختوبندر تومنیدهگی تعلیمی مرکزلردن قطاری، برق یوقلیگی اوچون رخصت بولگن.
اونینگ کوپهیتیریشیچه: «اوزیمنی تجربهلریمدن بیری بو دیر که اوتگن ییلی کیملیک آلیش اوچون باردیم، بیراق برق یوق و پرینتر ایشلمهیدی دیدیلر. بیر فورم اوچون بیر هفته کوتیب توردیم. شونینگدیک اوزاق منطقهلردن ادارهلر گه کیلهدیگن کیشیلر برق یوقلیگی و ورقلری پرنت بولمسلیگی سبب، حتا ۲۰ کون کوتیب توریشگه مجبور بولهدیلر.»
دایکندی ولایتی سنگتختوبندر تومنیدهگی اینترنت کلپلردن بیرینینگ ایگهسی قربان سروری گه کوره، دولتی برقدن فایدهلنه آلمسلیک فعالیت قیلهدیگن ساعتلری کمهیشی و نهایت، حیات خرهجتینی کوپ قیینچیلیک بیلن قولگه کیلتیریشیگه سبب بولگن.
قربان سرورینینگ ایتیشیچه: «یاز موسومیده سولر بیلن نیازیمیز بولگن برقنی تامین قیله آلهمیز، بیراق قیشده کوپ قیین دیر. کیچهلر هم برقیمیز یوق و کونلر هم نهایت بیر-ایکی ساعت برقدن فایدهلنه آلهمیز. کیچه تامان ایشلر هم کوپ بولهدی. دولتی برق بولمهگنی صورتده، ۲۴ ساعت اینترنتی و صورت آلیش خذمتلرنی ارائه قیلیش امکانیتی یوق. شونینگدیک دکاندارلردن قطاری یخچالده آزیق-آوقت محصوللرینی سقلش توغریسیده هم قیینچیلیک بیلن روپهره بولگن.»
بیزلرنینگ فیسبوک صحیفهمیزگه باش اورینگ!
شونینگدیک سنگتختوبندر تومنیدهگی یشاوچیلردن باشقه بیری، عبدالحمید مدبر برق یوقلیگی قیینچیلیگی توغریسیده اوزاق منطقهلردهگی طلبهلر و اوقووچیلرنینگ روپهره بولهدیگن قیینچیلیکلری توغریسیده ایتیشیچه: «اوزاق منطقهلرده اهالی سولردن فایدهلنیشگه مجبور دیر؛ بیراق کمبغللیک سبب سولر ساتیب آلیشگه کوچلری ییتیشمهیدی. بو قیینچیلیک طلبهلر و اوقوچیلر گه هم تاثیر قیلگن، چونکه کمپیوترلرینی شارژ قیله آلمهی و درسلرینی درست بیر شکلده اوقه آلمهیدیلر.»
شوندهی بیرحالده، دایکندی سوو و برق ریاستی باشلیغی رحیمالدین رحمانینینگ سلاموطندار گه ایتیشیچه، کیلهسی ییللرده اوشبو تومن یشاوچیلرینینگ نیازی اساسیده قویاش و سوودن تامینلنهدیگن برق لایحهلرنینگ عملگه آشیریش توغریسیده سعیوحرکت بولهدی.
