بوگون (سه‌شنبه، ۳۰- جدی) ساغلیک وزیرلیگی نینگ اعلام قیلیشیچه، اوتگن ۲۴ ساعت ده کرونا ویروس گه شبهه‌لی ۲ مینگ و ۹۷ واقعه تیکشیریلگن، کیم بولردن ۱۳۷ ته‌سی ایجابی انیق‌لنگن.
ساغلیک وزیرلیگی نینگ گزارشی گه کوره، اوتگن بیر کیچه‌وکوندوز ده کرونا گه چلینگن ۸ کسل جان بیرگن و شونینگدیک ۱۴۳ کسل دارولنگن.
ساغلیک وزیرلیگی نینگ معلوماتی اساسیده، مملکتده حاضرگچه ۵۴ مینگ و ۲۷۸ کیشی کرونا ویروس گه چلینگن، کیم بولردن ۲ مینگ و ۳۵۴ ته‌سی جان بیرگن و باشقه ۴۶ مینگ ۵۵۴ ته‌سی ایسه قیته دارولنگن.
ساغلیک وزیرلیگی گه کوره، مملکتده حاضرگچه کرونا ویروس گه شبهه‌لی ۲۳۰ مینگ و ۲۰۲ واقعه تیکشیریلگن.
دنیا ده حاضرگه‌قدر ۹۶ میلیون و ۵۲ مینگ دن آرتیق کیشی کروناگه چلینگن کیم بولردن ۲ میلیون و ۵۰ مینگ دن آرتیغی جان بیرگن و ۶۸ میلیون و ۷۱۸ مینگ دن آرتیغی ایسه دارولنگن.
کرونا ویروسی نینگ کوپینچه ایجابی واقعه‌لری آمریکا، هند، برزیل، انگلستان و روسیه مملکت‌لریده قید ایتیلگن.