پاکستان دن قاچقینلرنینگ قیتریلیش پروسهسی کوچهیگنی بیلن بیرگه، پکتیکا و غزنی ولایتلریده مملکت گه قیتریلگن کیشیلر اوچون ایکی شهرچهنینگ قوریلیش ایشی باشلنگن.
اسلام امیرلیگی رسمیلرینینگ ایتیشلریچه، اوشبو شهرچهلر مملکت گه قیتریلگنلر اوچون باشپناه تامینلنیشی مقصد قوریلهدی.
پکتیکا مرکزی شرن شهریده قوریلهدیگن اوشبو شهرچهنینگ ایشی ۱۷-ثور، چهارشنبه کونی، رسمی شکلده باشلنگن. مذکور لایحهلر اوچ مینگ ۵۰۰ جریب ییرده عملگه آشیریلیب و ینگیلیکده پاکستان دن مملکت گه قیتریلگن قاچقینلر گه اختصاص بیریلهدی.
بیزلرنینگ «ایکس» ترماغی ده هم تعقیب قیلینگ!
مذکور شهرچهنینگ تمل تاشی، اسلام امیرلیگی باش وزیرینینگ اداری اورین باسری عبدالسلام حنفی، شهرسازلیک و اوی-جای قوریش وزیری حمدالله نعمانی و بیر قطار محلی مسئوللر آرقهلی قوییلگن.
جناب حنفیگه کوره، اوشبو شهرچهنینگ قوریلیشی مملکت گه قیتریلگن کیشیلرگه باشپنه تامینلنیشیگه علاوه، پکتیکا ده شهری رواجلنیش و ترقیات توغریسیده اونملی آدیم بولیشی ممکن.
شوندهی بیرحالده، غزنی ده قاچقینلر شهرچهسینینگ ایکینچی فازی قوریلیش ایشی، اسلام امیرلیگی باش وزیرینینگ اداری اورین باسری، شهرسازلیک و اوی-جای قوریش وزیری و غزنی محلی رسمیلری حضوری بیلن باشلنگن.
آچیلیش مراسمیده شهرسازلیک و اوی-جاری قوریش وزیری حمدالله نعمانینینگ ایتیشیچه، غزنی دهگی اوشبو شهرچه تورت مینگ جریب ییرده قوریلیب، مسجد، مکتب، ساغلیق مرکزلر، یشش و سوداگرلیک نمردهلردن عبارت دیر.
بیزلرنینگ فیسبوک صحیفهمیزگه باش اورینگ!
شونینگدیک بو مراسمده عبدالسلام حنفینینگ اورغولشیچه، اسلام امیرلیگی افغانستان بویلب مملکت گه قیتریلگنلر گه آسایشتهلیکلر یرهتیلیشی توغریسیده متعهد دیر.
پاکستان اپریل آیی باشیدن افغانستانلیک قاچقینلرنینگ چیقریلیش ایکینچی باسقیچینی باشلهگن و بیرلشگن ملتلر تشکیلاتینینگ معلوماتی اساسیده، اوتگن بیر آیده، ۲۵۰ مینگدن آرتیق کیشی پاکستان و ایران دن افغانستان گه قیتریلگن.
