اسلام امیرلیگی ترانسپورت و هوا یوللری وزیرلیگی، بلخ خلقارا هوا قونالغهسیده ۸۸ میلیون افغانیلیک «کوتیش» سالونی و ترانسپورت واسطهلری «بیکتی»نینگ قوریلیش ایشی باشلنگنینی معلوم قیلدی.
اوشبو وزیرلیک ۳۱-سنبله، دوشنبه کونی ایکس صحیفهسیده بیر بیانیه ترقهتیب بو حقده خبر بیردی.
بیانیه اساسیده، بلخ ولایتیده جایلشگن خلقارا مولانا جلالالدین محمد بلخی هوا قونالغهسیده ۸۸ میلیون افغانی عوضیگه، کوتیش سالونی و ترانسپورت واسطهلری بیکتینینگ قوریلیش ایشی باشلنگن.
معلوماتلر گه کوره، بو لایحه دولت و خصوصی همکارلیک اساسیده ۸۸ میلیون افغانی عوضی گه لایحهلشتیریلیب و عملگه آشیریلهدی.
ترانسپورت و هوا یوللری وزیرلیگی، اوشبو لایحه عملگه آشیریلیشی بیلن یولاوچیلر اینیقسه مملکت شمال زونی یولاوچیلری اوچون کوپینچه قولیلیک یرهتیلیشینی معلوم قیلگن.
