فاریاب ولایتی محلی مسئوللری، اوشبو ولایت نینگ آلتی تومنیده سکیز سوو یېتکیزیش شبکه نینگ قوریش ایشی باشلنگنینی معلوم قیله‌دیلر.
اوشبو ولایت نینگ قیشلاق‌لرنی رواجلنتیریش و قیته قوریش باشلیغی تورجان احمدی گه کوره، بو سوو یېتکیزیش شبکه‌لر ده ۴۰ مترمکعب سوو سیغیب و قوریلیشی بیلن ایکّی مینگ ۴۴۸ عایله ایچیملیک سوو بیلن تأمینلنه‌دی.
بیزلرنینگ فیسبوک صحیفه‌میزگه باش اورینگ!
مذکور سوو یېتکیزیش شبکه‌لر نینگ قوریش ایشی ۴۱ میلیون دن آرتیق افغانی خره‌جت کوتاریب و بو مقدار پول بیرلشگن ملتلر تشکیلاتی نینگ باله‌لرنی قۉللب-قوتلاوچی صندیغی (یونیسف) تامانیدن توللنیلیشینی معلوم قیله‌دی، فاریاب ولایتی قیشلاق‌لرنی رواجلنتیریش و قیته قوریش باشلیغی تورجان احمدی.
اونینگ کوپه‌یتیریشیچه، اوشبو سوو یېتکیزیش شبکه‌لر فاریاب ولایتی گرزیوان، بلچراغ، پشتونکوت، دولت‌آباد، خواجه ناموسی و چهل‌گزی تومن‌لریده قوریله‌دی.
بیزلرنینگ «ایکس» ترماغی ده هم تعقیب قیلینگ!
بوندن آلدین، مذکور ولایت مرکزی میمنه شهری نینگ بیرینچی ناحیه‌سی حدودلریده ۱۰ میلیون دن آرتیق افغانی‌لیک و ۸۰ متر مکعب سوو سیغه‌دیگن بیر سوو یېتکیزیش شبکه قوریلیب و فایده‌لنیشگه تاپشیریلگن.
