غور قیشلاقلرنی رواجلنتیریش و قیته قوریش ریاستیده مسئوللرنینگ ایتیشلریچه، اوشبو ولایت ییتی تومنیده سوو ییتکزیش ۲۸ ترماقنینگ قوریلیش ایشی باشلنگن.
غور قیشلاقلرنی رواجلنتیریش و قیته قوریش ریاستینینگ ییتکرمهلر مسئولی ذبیحالله غوثیزاده، مذکور ولایت ساغر، تولک، دولینه، تیوره، پسابند، چهارسده و دولتیار تومنلریده اوشبو ترماقلرنینگ قوریلیش ایشی باشلنگنینی بیان قیلگن.
اونینگ کوپهیتیریشیچه، مذکور سوو ییتکزیش ترماقلر دنیا بانکی آرقهلی ایکی میلیون ۵۰۰ مینگ دالر عوضیگه قوریلهدی.
غوثیزادهگه کوره، بو ترماقلرنینگ قوریلیب و فایدهلنیشگه تاپشیریلیشی بیلن غور یشاوچیلریگه ایچیملیک سوودن فایدهلنیش زمینهسی یرهتیلهدی.
افغانستان ده هوا اوزگریشلری و کیتمه-کیت قوروقچلیکلر، یشاوچیلردن قطاری اینیقسه اوزاق بولیملردهگی کیشیلر اوچون ایچیملیک سوودن فایدهلنیش امکانیتینینگ قیینلنیشیگه سبب بولگن.
تشقی نهادلر جملهدن دنیا بانکی، بوندن آلدین هم پروان، پنجشیر، غزنی و بادغیس کبی بیر قطار ولایتده سوو ییتکزیش نیچه ترماقنی قورگن.
