افغانستان ده بیرلشگن ملتلر تشکیلاتی اورینباسرلیک هیئت ادارهسی (یوناما)، پاکستان و اسلام امیرلیگی آرهسیدهگی توقنشوولرده تینچاهالی تلفاتی کوپهیشیدن آگاهلنتیرگن.
مذکور نهاد، بوگون (۱۲-حوت، سهشنبه)، فیسبوک صحیفهسیده یازیشیچه، ۲۶-فبروریدن ۲-مارچگه قدر، پکتیا، ننگرهار، کنر و خوست ده اسلام امیرلیگی و پاکستان آرهسیدهگی چیگره توقنشوولریده، کمیده ۴۲ تینچاهالی اولیب و ۱۰۴ کیشی یرهلنگن.
یونامانینگ کوپهیتیریشیچه، ۱۶ مینگ ۴۰۰ عایله توقنشوودن تاثیرلنگن بولیملرده آوار بولیب و شونینگدیک کنر ده زلزلهدن جبرلنگن یوزلب عایلهگه اویلرینینگ ترک قیلیش توصیهسی بیریلگن.
افغانستان ده بیرلشگن ملتلر تشکیلاتینینگ اورینباسرلیک هیئت ادارهسی گه کوره، توقنشوولر اوچون چیگره منطقهلرگه باریب-کیلیش توغریسیده چیکلاولر، جبرلنگن بولیملرگه قوتقروو یاردملری کورسهتیلیشیده بشری نهادلر امکانیتی کمهیشیگه سبب بولگن.
یوناما، توقنشوو تامانلریدن، خلقارا قانونلر برابریده تعهدلریگه توختهب، تینچاهالینی حمایه قیلیب و توقنشوولرنینگ توختهتیشلرینی ایستهگن.
اسلام امیرلیگی کوچلری و پاکستان آرهسیدهگی توقنشوولر، ۱۰ کون آلدین و افغانستاننینگ بیر قطار بولیملریگه بو مملکت اردوسی هجومیدن کیین، باشلنگن.
