پایتخت کابل شهریده سوو تنقیص‌لیگی قیینچیلیگینی حل قیلیش ایش اسلوبی، اسلام امیرلیگی رهبری تامانیدن تصدیقلنگن.
سوو و برق وزیرلیگی مسئوللری، پایتخت کابل شهریده سوو تنقیص‌لیگی قیینچیلیگینی حل قیلیش اوچون، اوشبو وزیرلیک‌نینگ اوزاق و کېنگ قمراولی ایش اسلوبی اسلام امیرلیگی رهبری تامانیدن تصدیقلنگنینی اېتگنلر.
سوو و برق وزیرلیگی سۉزلاوچیسی مطیع‌الله عابد گه کوره، بو وزیرلیک کابل شهریده سوو قیینچیلیگینی حل قیلیش اوچون قیسقه و اوزاق مدتلی ریجه‌لرنی قولگه آلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «کابل شهری یشاوچیلری سوو تنقیص‌لیگی بیلن روپه‌ره دیر و بو قیینچیلیک حلی اوچون سوو و برق وزیرلیگی اوزاق و قیسقه مدتلی ریجه‌لرنی قولگه آلگن. خورسندلیک بیلن پنجشیر سووینی کابل گه انتقال بیریش لایحه تصدیقلنگن و بو لایحه اساسیده پنجشیر دریاسیدن ایکّی متر مکعب سوو کابل گه انتقال بیریله‌دی.»
بو ایش اسلوبی اساسیده، یقینده پنجشیر دریاسیدن ایکّی متر مکعب سوو، کابل گه انتقال بیریلیشی ممکن.
اسلام امیرلیگی باش وزیری‌نینگ اداری اورین باسری عبدالسلام حنفی پنجشیر دریاسی سووینی کابل گه انتقال بیریش بیرینچی باسقیچیده، قریب ۱۴۰ میلیون دالر صرفلنیشی ممکن دیېدی.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «سوو کتّه بیر قیینچیلیک دیر و حلی اوچون کېنگ قمراولی و اوزاق مدتلی ایش اسلوبی توزیلگن و امیرالمومنین تامانیدن تصدیقلنگن و بو ایش اسلوبی اساسیده پنجشیر ولایتی سوو کابل گه انتقال بیریله‌دی و بونگه خصوصی سکتورلر حصه قوشیشی ممکن، بیرینچی باسقیچ‌ده ۱۴۰ میلیون دالر صرفلنیشی تخمین اېتیلگن.»
یشش محیط ایش بیلرمانلریدن بیرقطاری، یشاوچیلردن سوو مصرفی خصوصیده دقت قیلیش‌لرینی اېسته‌یدی.
بوندن آلدین، بیرلشگن ملتلر تشکیلاتی‌نینگ باله‌لرنی قۉللب-قوتلاوچی صندیغی (یونیسف) کابل شهری میلادی ۲۰۳۰ ییل گه قدر قتیق سوو تنقیص‌لیگی بیلن روپه‌ره بولیشینی اېتگن اېدی.
