کیچیک اتاقینینگ دیواریگه قرآنکریم آیتلری، حافظ و بیدل غزللری بیلن بیرگه تورلیخیل اثرلر آسیلگن. بو آرهده، اوزی یازگن نرسهلر هم اتاقنینگ بیر بولیمینی تولدیرگن. او، پروان ولایتی سیدخیل تومنی یشاوچیسی بولیب و اهالی اونینگ استاد محمد محفوظ سیدخیلی آتیگه تانیدی. اونینگ ایتیشیچه، یازیشنی اورگنگنی پیتده حرفلر شکلیگه خوشی کیلیب و بو رقم، خطاطلیککه قیزیققن. او، صناعتینی باشقهلر گه کورسهتیش جرئتی گه ایگه بولیش مقصد، کوپینچه ییل نی قلمی و رنگ بیلن تمرین قیلگن.
اونگه کوره: «کیچیک یاشدن خطاطلیککه باشلهگن ایدیم، سکیز بولیمگه بولینهدیگن اسلامی خطلر گه مهارتیم بار و اوز کتابلریمده چاپ قیلگنمین. بو یول آرقهلی عایله نیازلریمنی تامینلهیمن. خطاطلیکدن مقصدیم دنیا گه صناعت و فرهنگیمیزنی کورسهتیش دیر.»
سیدخیلینینگ ایتیشیچه، صناعت بیلن شونچهلیک اویغونلهشیب کیلگن که، یازگن هر بیر سطر اونی مخاطب قرار بیرهدیگن بیر سوز و قویگن هر بیر نقطه ایسه یورهگیدن چیققن آه دیر.
اونینگ کوپهیتیریشیچه، خطاطلیک اونینگ اوچون یالغیز بیر صناعت ایمس، بلکیم سیسسیز فریاد دیر که صناعتنینگ توزهتیلیشی بیلن کوریلهدی. «توپلم شکلده ۴۵ کورگزمه اوتکزگنمیز که بیرتهسی ۲۰۰۷-ییلده بحرینده اوتکزیلدی و افغانستاننینگ خطاطلیک صناعتی دنیا بویلب کوپ گوزهل شکلده کورسهتیلدی و او ییرده بیرینچی اورینگه قرار تاپدیک. بیراق مملکتیمیزده خطاطلیک صناعتیگه قیزیقیش اولگن و اویینی دیزاین بیرهدیگن کیشی آز دیر.»
سیدخیلی کوپینچه کورگزمه گه شرکت قیلگنی بیرحالده، لیکن حاضرگچه باشقهلرگه صناعتینی تانیشتیریشگه قیزیقمهیدی؛ چونکه اونینگ ایشانچیگه کوره، هنر اینیقسه خطاطلیک اهالی آرهسیده اونچهلیک اورینگه ایگه بولمهگن. «فرهنگی و هنری بولیمده ایشلهیدیگن نهادلرنینگ توجهسینی قرهتیشیمیز کیرهک، حقیقتا صناعتیمیز درست بیر اورینده ایمس. مینیاتوری و باشقه صناعتلرنینگ هم رواجلنیشی کیرهک. اسلامی هنرلر رواجلنیشی اوچون امکانیت یرهتیلیشی کیرهک، بیراق حاضر اسلام امیرلیگینینگ قدرت گه ایریشگنی بیر پیتده بو ارزشلرگه اعتبار قرهتیلمسه، قچان اعتبار قرهتیلهدی. مسئوللردن بو توغریده توجه قیلیشلرینی ایستهیمیز.»
مذکور خطاط، بیر کونی صناعتی جمعیتده یخشی اورینگه ایگه بولیش امیدینی قیلیب، سکوت و تماشاچیلرنینگ یوقلیگی بیرحالده، ارزان قاغازلرگه یوزیگه سینیق نی قلمی بیلن یازیشگه دوام بیرهدی.
