کلمبیا جمهور باشلیغی گوستاوو پترو، امریکا جمهور باشلیغی دونالد ترامپنینگ تهدیدیگه عکسالعمل بیلدیریب، نیاز بولگن صورتده مملکتیدن دفاع قیلیش اوچون «قولیگه قورال آلیشی» توغریسیده سوز بیرگن.
پترونینگ آگاهلنتیریشیچه، ونزویلا ده یوز بیرگنی کبی کلمبیا ده امریکانینگ هر قندهی زورهوانلیک ارهلشووی، عکسالعمل بیلن روپهره بولهدی.
شونینگدیک کلمبیا جمهور باشلیغی، ترامپنینگ امریکا گه بنگیوار مادهلر قاچاقینی آسانلشتیریش حقیده عیبلهگنینی رد قیلیب و ایتیشیچه، دولتی بنگیوار مادهلر ایشلب چیقریلیشی آلدی آلینیشی و حربی یونلتیریلگن یاندهشوودن اوزاقلشگه حرکت قیلگن.
اونینگ اوتگن کون (۱۵-جدی/ ۵-جنوری، دوشنبه)، اجتماعی ترماقلرده یازیشیچه: «قورالنی قولگه آلمسلیک اوچون آنت ایچگن ایدیم؛ لیکن اولکهم اوچون قورالنی قیته قولگه آلیشیم ممکن.»
شونینگدیک کلمبیا تشقی ایشلر وزیرلیگی، بو بیاناتنی «مملکتنینگ ایچکی ایشلریگه اساسسیز ارهلشیش و خلقارا حقوق قاعده-قانونیگه قرشی» دیگن.
ترامپ، ونزویلا سابق جمهور باشلیغی نیکلاس مادورونینگ قولگه آلگنیدن کیین، پترو «احتیاط قیلسین» دیب و کلمبیا دولتیگه قرشی بو کبی بیر عملیاتنینگ «مینگه یخشی کوریلهدی» دیب قوشیمچه قیلگن.
