تخار ولایتی چاهآب تومنیده محل یشاوچیلری و زرشویلیک شرکتی اورتهسیدهگی توقنشووده، ۴ کیشی اولیب و ۱۰ دن آرتیق کیشی یرهلنگن. بو توقنشوو ۱۵-جدی/۵-جنوری، دوشنبه کونی یوز بیرگن.
محلی منبعلر سلاموطندار بیلن صحبتده، زرشویلرنینگ زور ایتگنی، یشش اویلرنی بوزیش، ییلاولرنی یوق قیلیش و اهالینینگ ایکینچلیک ییرلری اوچون سوولرنی کیسیش، توقنشوو گه سبب بولگن عامللردن ایکنینی ایتگنلر.
منبعلر گه کوره، اوشبو توقنشووده زرشویلیک شرکت ایشلاوچیلریدن بیری و اوچ محل یشاوچیسی اولیب و ۱۰ دن آرتیق کیشی یرهلنگن.
چاهآب تومنیدهگی منبعلرنینگ ایتیشیچه، زرشویلیک شرکت ایشلاوچیلری اوق آتگنیدن سونگ، محل یشاوچیلری هم اولر گه جواب، زرشویچیلرنینگ خیمهلرینی آلاو بیریب و اولرنی محلدن آرتگه چیکینتیریشگن و نتیجهده توقنشوو یوز بیرگن.
آلدینراق هم، کانلر و پترولیم وزیرلیگی سوزلاوچیسی همایون افغان، تخار چاهآب تومنی کان حدودلریده آلتین قزیب چیقروچی شرکت و محل یشاوچیلری اورتهسیده یوز بیرگن توقنشوونی تصدیقلب و واقعه تلفاتی و مالیهوی ضررلری بولگنینی ایتگن ایدی.
بیراق او، نیچه کیشی اولگنلیگی و قنچه مالیهوی ضرر ییتکنی حقیده هیچ نرسه دیمهگن.
