حلب شهریده سوریه اردوسی و کُردلر رهبرلیگیده دمکراتیک کوچلری آرهسیده یوز بیرگن شدتلی توقنشوولر عاقبتیده، کمیده ۲۲ کیشی اولیب و ۱۷۳ کیشی یرهلنگن.
خلقارا ییتکرمهلرنینگ بوگون (۲۰-جدی/ ۱۰-جنوری، شنبه)، گزارش بیریشیچه، سوریه کوچلری جمعه کونی شام پیتی و دمکراتیک کوچلرینینگ چیکینیشدن باش تارتگنیدن سونگ، شیخ مقصود و اشرفیه محلهلریگه هجوملرینی کوچهیتیرگن.
گزارشلر اساسیده، مذکور توقنشوولر عاقبتیده قریب ۱۶۲ مینگ کیشی اویلرینی ترک قیلیشگه مجبور بولگن. سوریه اردوسی، حاضر شیخ مقصود محلهسینینگ ۵۵ فایزینی نظارت قیلماقده. سوریهنینگ حربی منبعلری ییتکرمهلرگه، شونینگدیک دمکراتیک کوچلریدن (SDF) قطارینینگ قولگه آلگنلرینی بیان قیلگنلر.
کُرد کوچلری دولت آرقهلی چیکینیش ایستهگینی آلگنلری بیلن، تسلیم بولمهی و نظارتلریده بولگن منطقهلردن دفاع قیلیشلرینی بیلدیرگنلر.
تورکیه وضعیتگه نسبت آگاهلنتیرگن؛ بیراق حاضرگچه حربی بیر اقدام عملگه آشیریلمهگن. بیرلشگن ملتلر تشکیلاتی و اروپا مملکتلری جملهدن فرانسه، خواطر بیلدیریب و مذاکره بولیشینی ایستهگن.
