چین تشقی ایشلر وزیری، غزهدن فلسطینلیکلرنی چیقریش و او ییرنی باسیب آلیش اوچون ترامپنینگ طرح گه قرشیلیک کورستدی.
چین تشقی ایشلر وزیری وانگ یی، ۱۷-حوت، جمعه کونی پکنده اوتکزگن مطبوعاتی ییغیلیشده، امریکا قۉشمه ایالتلرینینگ جمهور باشلیغی دونالد ترامپنینگ غزهدن فلسطینلیکلرنی چیقریش و اوشبو منطقهنی باسیب آلیش طرح گه قرشیلیک کورستگن.
بیزلرنینگ فیسبوک صحیفهمیزگه باش اورینگ!
وانگ یی، اوشبو ییغیلیشده چیننینگ یقین شرقدهگی رولی و دونالد ترامپنینگ غزه دن فلسطینلیکلرنی چیقریش و اوییرنی باسیب آلیش حقیده ژورنالیستلرنینگ سوالی گه جواب ایتیشیچه، غزه فلسطینلیکلر گه تیگیشلی بولیب و فلسطین توپراغینینگ اجرهلیب بولمس قسمی دیر و زور بیلن غزه احوالینی اوزگرتیریش یقین شرقده کېسکینلیکلر گه سبب بولیشی ممکن.
شونینگدیک، چین تشقی ایشلر وزیری، پکن غزه اهالیسی باشقه جایلر گه انتقال بیریلمسدن بو منطقهنی قیته قوریش اوچون مصر و باشقه عرب مملکتلرینینگ طرحنی قۉللب-قوتلش گه تأکید اېتگن.
امریکا قۉشمه ایالتلرینینگ جمهور باشلیغی دونالد ترامپ، ۱۴۰۳-ییل، ۱۶-دلو، واشنگتنده اسرائیل باش وزیری بنیامین نتانیاهو بیلن اوتکزگن مطبوعاتی ییغیلیشده، غزه یشاوچیلری باشقه تینچ منطقهلر گه انتقال بیریلگنیدن سۉنگ، بو منطقهنی باسیب آلیش گه قرارلی اېکنینی بیلدیرگن اېدی.
بیزلرنینگ «ایکس» ترماغی ده هم تعقیب قیلینگ!
دونالد ترامپنینگ غزهنی باسیب آلیش و اهالیسینی باشقه مملکتلر گه انتقال بیریش بیاناتی، خلقارا کېنگ کولملی مناسبتلر گه روپهره بولگن.
عینحالده، مصر پایتختی قاهرهده، ۱۴-حوتده عرب مملکتلری رهبرلری، غزه اهالیسی آواره و چیقریلمسلیک بیلن بو منطقهنی قیته قوریش اوچون کېلیشگنلر.
شونینگدیک بو ییغیلیشده، غزهنی قیته قوریش اوچون ۵۳ میلیارد دالر صرفلنیشی تخمین اېتیلگن.
