چین و هندوستان، ایکی تامانلمه مناسبتلرینی مستحکملش اوچون مستقیم پروازلر قیته باشلنیشی، سودا آلیش-بیریش حجمی آشیریلیشی و سرمایه یاتقیزیش اوستیده کیلیشگن.
هندوستان تشقی ایشلر وزیرلیگی ۲۸-اسد، سهشنبه کونی، بو ایکّی مملکت مستقیم پروازلرنی قیته باشلب، سودا و سرمایه یاتقیزیشلرینی آشیریب و واوچ انیقلنگن حدود ده چېگره سودالرینی قیته آچیش همده ویزه صادر قیلیش بولیمیده قولیلیک کېلتیریش گه کیلیشگنلرینی بیلدیرگن.
بیزلرنینگ فیسبوک صحیفهمیزگه باش اورینگ!
هندوستان و چین اورتهسیده مستقیم پروازلر، میلادی ۲۰۲۰-ییلده کووید-۱۹ ترقهلیشی بیلن بیکار قیلینگن ایدی.
چین تشقی ایشلر وزیری وانگ یی، ینگی دهلی گه ایکّی کونلیک سفری یکونی و اوشبو مملکت ملی خوفسیزلیک مصلحتچیسی آجیت دووال بیلن اوچرهشووده، بو حقده کیلیشیلگن.
چین تشقی ایشلر وزیری هندوستان ملی خوفسیزلیک مصلحتچیسی، ۲۴- چېگره مذاکرهلریده اشتراک ایتدیلر. اوشبو مذاکرهلرده، هیمالیا چېگرهسیدن ایکّی تامان عسکرلری آرتگه چېکینیشی و چېگره حدودی تعیینلنیشی گه دایر مسئلهلر بحث گه آلینگن.
بیزلرنینگ «ایکس» ترماغی ده هم تعقیب قیلینگ!
چین تشقی ایشلر وزیرلیگینینگ بیانیهسی اساسیده، ایکّی مملکت ېنه بیر مرته میلادی ۲۰۲۶-ییلده چینده اوچرهشیش گه کیلیشگن.
هندوستان باش وزیری نارندرا مودی، اوشبو آی یکونیده شانگهای همکارلیک تشکیلاتی ییغیلیشیده اشتراک ایتیش اوچون چین گه باریشی کوتیلهدی. بو، مودی جنابلرینینگ سۉنگی ییتّی ییل ایچیده چین گه بیرینچی سفری بولیشی ممکن.
