هر کونی هوا یاختی بولیشی بیلن بیرگه، شهرنینگ تورلی ناحیهلری و بولیملریدن بالهلر پلاستیکی خلتهلرنی آلیب شهر گه چیقهدیلر و باشقهلرگه قوللرینی اوزهتیش بیلن، نیچه افغانی یا-ده بیر نیچه نان قولگه کیلتیریش اوچون سعیوحرکت قیلهدیلر.
نیازلرینی تامینلش اوچون باشقهلرنی قولیگه قرهب سرک چیکهسیده اولتیرگن بالهلردن بیری آتینی سارا دیب و ایتیشیچه، اقتصادی قیینچیلیک سبب نان تاپیش و مکتب گه باریشدن بیرینینگ تنلشگه مجبور بولگن. «بیر نیچه نان اویگه آلیب باریش اوچون کونده ۳۰، ۴۰، ۵۰ یا-ده ۶۰ افغانی قولگه کیلتیرهمن.»
بیزلرنینگ «ایکس» ترماغی ده هم تعقیب قیلینگ!
سارا یانیدهگی بالهلردن باشقه بیری ایملنینگ ایتیشیچه: «۴ یا-ده ۳ آی بولهدی که تیلنچیلیک قیلهمن. ۳۰ روپیه، ۴۰ روپیه ایشلهیمن و اونگه نان آلیب کیتهمن.»
بولر بالهلیک دورهسی، چاریکار شهرینینگ چنگ-توپلهنگی ایچیده یوقالگن اونلب بالهلردن دیر؛ مذکور بالهلر اویین و تعلیم کوریش اورنیده، چیقیندی سطللری، موترلر یانیده و دکانلر ایشیگی آرقهسیده بیر لقمه نان اوچون سرگردان بولیب یوریگنلر.
تیلنچی بالهلردن نویدنینگ ایتیشیچه، مکتب باریش و درس اوقیشگه قیزیقهدی؛ بیراق آتهسینینگ ایشسیزلیگی سبب، ایشلش یا-ده تیلنچیلیک قیلیشگه مجبور دیر. «آتهم ایشسیز دیر، اویده ییتی کیشیمیز و هر کونی اویگه ۵-۱۰ ته نان آلیب بارهمن. دولتدن آتهمگه ایش زمینهسی یرهتیلیشی ایستهیمین که مین هم درس اوقه آلسهم.»
شونینگدیک اوشبو بالهلردن باشقه بیری عتیقنینگ ایتیشیچه: «۵۰ یا-ده ۴۰ فغانی ایشلهیمن. آتهمنینگ ایشلشینی آرزو قیلهمن که مین باشقه تیلنچیلیک قیلمسهم.»
بیزلرنینگ فیسبوک صحیفهمیزگه باش اورینگ!
شوندهی بیرحالده، پروان بیلیم یورتلریدن بیریده تربیتی روانشناسلیک بولیمی استادی مهمند شیرزادنینگ ایشانچیگه کوره، بالهلرنینگ آغیر ایشلشی و تیلنچیلیگی، اولرنینگ روحیهسی ضعیفلنیشیگه سبب بولیب و باشقه بیر تاماندن، بو وضعیت بالهلر اوچون اخلاق معیارلریگه ضد فایدهلنیش امکانیتلریگه سبب بولیشی ممکن. «بعضیلر اولرنی حقارت قیلهدی. اولرده حقارت امکانیتسیزلیگی کوریلهدی، انه شوو سبب اولر عقده آلهدی که بعضا جدی حالتلرده اولردن مسلکی مجرملر توزهلیشی ممکن، چونکه اولر باله و بیلمهیدیلر. اولرنینگ مسئولی عایلهلری دیر و تربیه بولهدیگن اوی دیر. اولر جمعیتدن تاثیرلنهدیلر.»
شهر مسجدلری لوداسپیکرلریدن کیلهدیگن آخشم آذانی سیسی، کیچقورون عایلهسی و اوییگه بیران نرسه آلیب باریش اوچون کون بویی قولینی باشقهلرگه اوزهتهدیگن بالهلر اوچون ینه زیریکتیرووچی بیر کوننینگ یکونلنیشی دیر.
