ساغلیق‌نی سقلش وزیرلیگی، طبیات خادم‌لرینی ترغیب قیلیش مقصدیده، بوگون (دوشنبه، ۱۴ قوس) بیر مراسم آرقه‌لی «ساغلیق‌نی سقلش خادم‌لری ملی کونیدن» نشانله‌دی.
سرپل ولایتیده ساغلیق‌نی سقلش خادمی نورمحمد نینگ سلام‌وطندار گه ایتیشیچه، قیشلاق یشاوچیلری گه آگاهی‌لیک بیریش و اولرگه اساسی طبی خدمت کورستماقده، شونی اوچون آیی ده ۱۰۰ افغانی معاش آله‌دی که اولر اوچون ییترلی ایمس دیر.
نورمحمد نینگ کوپه‌یتیریشیچه: «بیزنی اساسی مسئولیتیمیز طبیات مسئله‌لرینی اورگه‌تیش، عادی کسللرنی درمانلش، جمعیتده عایله‌لر گه طبی خدمت کورسه‌تیش و واکسین تطبیق ایتیلیش کمپاینیده اشتراک ایتیش دیر. لیکن بیزگه آیی ده ۱۰۰ افغانی حق‌الزحمه بیریله‌دی و بیز اوچون ییترلی ایمس دیر.»
بیزلرنینگ فیسبوک صحیفه‌میزگه باش اورینگ!
عین‌حالده، قندهار ولایتیده ساغلیق‌نی سقلش خادم‌لریدن مینه نینگ سلام‌وطندار گه ایتیشیچه، نادارلیک دن رنج ایلته‌دی اونگه کوره، آیی ده طبیات خدمتی عوضی‌گه یالغیز ۲۰۰ افغانی بیریله‌دی.
مینه نینگ ایتیشیچه: «بیز حامله آنه‌لر و توییب آوقات‌لنمسلیککه چلینگن باله‌لرنی دارو دوالش اوچون اوزاق قیشلاق‌لر گه باریشیمیزدن خورسند میز؛ بیراق اقتصادی قیینچیلیک بیزنی قیینلتیره‌دی و حقوقی‌میز ییترلی ایمس.»
شو بیلن بیرگه، ساغلیق‌نی سقلش وزیرلیگی نینگ مسئوللری، ساغلیق‌نی سقلش خادم‌لری نینگ حقوقی ایشلری گه قره‌گنده آزلیگینی تصدیقله‌یدی.
ساغلیق‌نی سقلش وزیرلیگی نینگ ساغلیق‌نی سقلش ایشلری بوییچه معینی حبیب‌الله آخوندزاده گه کوره، طبیات خادم‌لری نینگ حقوقینی کوپه‌یتیریش اوچون سعی و حرکت قیله‌دیلر.
بیزلرنینگ توییترده هم تعقیب قیلینگ!
اونینگ ایتیشیچه: «ساغلیق‌نی سقلش وزیرلیگی نینگ مملکت بویلب قیشلاق‌لرده ۳۰ مینگ دن آرتیق ساغلیق‌نی سقلش خادمی بار، اولر نینگ ۵۰ فایزینی عیاللر تشکیل بیره‌دی و اوزاق منطقه‌لرده طبی خدمت کورسه‌تیش ایشلری بیلن مصروف دیر.»
ساغلیق‌نی سقلش وزیرلیگی مسئوللری گه کوره، اوزاق منطقه‌لرده‌گی طبیات خادم‌لرینی اورگه‌تیش و ظرفیت‌لرینی آشیریش اوشبو وزیرلیک نینگ اساسی برنامه‌لریدن بولیب و قیشلاق اهالیسی نینگ طبیات خدمت‌لریدن فایده‌لنیشگه یاردم بیره‌دی.