امریکانینگ فیلادلفیا ایالتیده یشاوچی اوزبیکلر تامانیدن بویوک شاعر و عادل سیاستچی امیر علیشیر نوایی و بابریلر امپراتورلیگینینگ اساسچیسی و اولوغ شاعر ظهیرالدین محمد بابر توغیلگن کونلری نشانلندی.
تیمور اجتماعی و مدنی انجمنی تشبثی بیلن اوتکزیلگن بو تدبیرده، فرهنگی کیشیلر، اجتماعی فعاللر و یاشلر اشتراک ایتگن ایدیلر.
تدبیرده سوزلهگنلر، بو ایکی شخصیتنینگ ادبیات، مدنیت و سیاست بوییچه قیلمیشلرینی کیلهسی اولادلر گه اورگهتیش و ایسدن چیقرمسلیک اوچون بو کبی تدبیرلر اوتکزیلیشیگه تأکیدلهگنلر.
تدبیر یکونیده اشتراکچیلر، نهادلر، ملی سوداگرلر و فرهنگی مرکزلردن، نوایی و بابر گه عاید اثرلرنی چاپ و نشر ایتیشده حصه قوشیب، مدنی و تاریخی میراثنی سقلب قالیش بوییچه جدی دقت قیلیشلرینی سورهگنلر.
بوگون (۲۰ دلو/۹ فبروری، دوشنبه) امیر علیشیر نوایی توغیلگنینینگ ۵۸۵ ییللیگی و ۱۴ فبروری هم ظهیرالدین محمدبابر توغیلگنینینگ ۵۴۳ ییللیگی تینگ.
