ننگرهار محلی مسئوللری، اوشبو ولایتنینگ خوگیانی، پچیراگام و اسپینغر تومنلریده اوچ اوینینگ تامی قولشی نتیجهسیده، ۶ کیشی اولیب و ۷ کیشی یرهلنگنیدن خبر بیردیلر.
ننگرهار حاکمی سوزلاوچیسی احسانالله عثمانی سلاموطندار بیلن صحبتده ایتیشیچه، خوگیانی تومنی «احمدخیل» حدودیده بیر اوینینگ تامی قولهگن و اونینگ نتیجهسیده اوچ باله قربان بولگن و بیر قیز باله یرهلنگن.
عثمانی گه کوره، بو ولایتنینگ پچیراگام تومنی «موساخیل» حدودیده، بوگون بامداد پیتی ساعت ۲:۰۰ اطرافیده، بیر اوینینگ تامی قولهگن و اونینگ نتیجهسیده اوچ باله اولیب و اوچ باله ایسه یرهلنگن.
شونینگدیک، اوتگن کونی اسپینغر تومنی «کهی» حدودیده بیر اوینینگ تامی قولهگن و اونینگ نتیجهسیده اوچ کیشی یرهلنگنی ایتیلگن.
ننگرهار حاکمی سوزلاوچیسی، اوشبو واقعهلر طفیلی یرهلنگنلر دوالنیش اوچون کسلخانه گه آلیب باریلگنینی قوشیمچه قیلگن.
