اسرائیل حربیسی، چهارشنبه کونی شام چاغی آتیش کیسیننی قیته باشلشنی اعلام قیلیش بیلن، بیراق ینه هم غزه شمالینی هوا هجوملری بیلن نشانگه آلگن که نتیجهده، ایکی کیشی قربان بولگن.
الشفا کسلخانهسینینگ اعلام قیلیشیچه، مذکور هجوم «بیتلاهیا» منطقهسیده یوز بیرگن و اسرائیل بو ایشدن مقصد، کوچلری اوچون «عاجل تهدید» حسابلنهدیگن قوراللر انبارینی نشانگه آلیش دیب ادعا قیلگن.
فلسطین ساغلیقنی سقلش وزیرلیگینینگ اعلام قیلیشیچه، سهشنبه کیچه اویوشتیریلگن هجوملرده، بالهلر و عیاللر شامل ۱۰۴ کیشی قربان بولگن.
اسرائیل باش وزیری بنیامین نتانیاهو، مذکور هجوملردن مقصد رفح ده اسرائیللیک بیر عسکرنینگ اولدیریلگنیگه قرشی جواب دیگن.
حماس، کوچلرینینگ رفح دهگی آتیشمه واقعهسیده هیچ قندهی رولی بولمهگنینی معلوم قیلیب و اورغولشیچه، آتیش کیسین گه متعهد دیر؛ بیراق اسرائیل آرقهلی سونگی نقضلر سبب، بوندن آلدین اولگن گروگه آلینگنلردن بیرتهسینینگ جسدی تاپشیریلیشینی آرتگه قوییشینی بیلدیرگن.
شوندهی بیرحالده، اسرائیل فلسطینلیک محبوسلر بیلن اوچرهشوو اوچون قماقخانهلرگه قیزیل خاج نمایندهلری باریشینی تقیقلهگن که بو ایش، حماس گه کوره، «انسانی حقوقنی بیللی شکلده نقض قیلیش و محبوسلر برابریده ناقانونی و سیستماتیک یاندهشوولر دوامی» حسابلنهدی.
